החכמה HAKHOKHMA


  
Israel ram Chanchin thar HAKHOKHMA (Finvarna) Kartin chhuak... עיתון שבועי לבני מנשה
HOME PageKEIMAHNI אנחנוISRAELMIZORAMRam dangTualchhungPhone DirectoryFiamthuShidukhRadio/Tv B.MMember FileMipui FileWebsite'sFakna פרסומותCHANCHINBUHO MAI MAISPORT'SבעבריתForumShabat Luh hunArticle
 
בס"ד

 

        hakhokhma@walla.com

a liana CHAT-na --> here

HAKHOKHMA Toolbar download

   




Thil Thar

HAKHOKHMA Man & Woman of the Year 2009
תאריך: 10.01.2010 02:52

Hebrew zirna
תאריך: 11.12.2009 09:24

Truma
תאריך: 06.12.2009 00:15

Birth day Hebrew a chhutna
תאריך: 16.09.2009 02:23

מבזק חדשות Chanchin thar Hebrew in
תאריך: 29.06.2009 03:26

   




מזג האויר , Weather

 Vawiin khaw awmdan 

K.Arba---------    19 - 30 Co     

Nitsan----------   26 - 30 Co

Afula------------   26 - 33 Co

Sderot----------   26 - 30 Co   

Beit El-----------   19 - 30 Co

Aizawl-----------   25 - 28 Co


Calendar



תמוז - אב ה'תש"ע


יולי 2010
ראשוןשנישלישירביעיחמישיששישבת
        1
י"ט תמוז

2
כ' תמוז

3
כ"א תמוז

4
כ"ב תמוז

5
כ"ג תמוז

6
כ"ד תמוז

7
כ"ה תמוז

8
כ"ו תמוז

9
כ"ז תמוז

10
כ"ח תמוז

11
כ"ט תמוז

12
א' אב

13
ב' אב

14
ג' אב

15
ד' אב

16
ה' אב

17
ו' אב

18
ז' אב

19
ח' אב

20
ט' אב
תענית
21
י' אב

22
י"א אב

23
י"ב אב

24
י"ג אב

25
י"ד אב

26
ט"ו אב

27
ט"ז אב

28
י"ז אב

29
י"ח אב

30
י"ט אב

31
כ' אב

   




Kishurim

HAKHOKHMA
Megazine  

  
HAKHOKHMA facebook 
 
Sport Live

Benei Menashe SKYPE

Radio HAKHOKHMA 

 HAKHOKHMA
Album 
 
   
Article

         Yom Zikaron Ve Yom Hazmaut

(Israel ram Martyr Day leh Independence days) 

     H-shem zarah Ramthianghlimah tum 4 lai chu Yom Zikaron leh Yom Haatsmaut ka lo hmang veta reng mai a, ka hman hmasak ber kum 2007 khan Zion chanchinbuah hemi ni denchhen hian Article te pawh ka lo ziak ve tawh a, chu Article chu Israel ramah Article ka ziah hmasak ber a ni nghe nghe bawk, Israel ram Independence day champha ni hma chiah ni hi Israel din thar leh nan leh Israel ram venhim nana nunna hlantu te hriatrengnan a hman thin niin, Martyr te hriatreng na ni Yom Haatsmaut atana hman thin a ni a, tlai nitlak atanga atuk ni tlak leh thleng hi Hriatrengna ni atan a hman thin a ni, azan khatna ah hian Tsfira (Siren) Israel ram chhung zawng zawngah tih rik thin  ani a, tin a tuk chawhnu lai tak pawhin tih rik leh thin ani bawk a, Siren rik chhung minute 2 chhung hian Israel ram mipui zawng zawngte chu ngawi rengin aram tana nunna hlantute hriatreng nan din thin a ni a, aintan zanah hian hriatrengna bati chhit thin a ni bawk, kei pawhin hemi ni hi chuan ram tana nunna hlan tute pualin Ner Zikaron hi kan inah ka chhi ve ziah thin , Israel sorkain he ni hi uluk leh khunkhan takin Martyr te thlanmualah hmanna Program pui ber chu hman thin a ni, Tv ah te en theiha tihchhuah thin a ni, tin khaw tinah khawtlang hruaitu te hovin hmanna hmun Martyr hriatrengna  hmun siamah hman thin a ni bawk . Siren arawn rik lai tak a ka rilrua Martyrte thu sawi niawma ka suangtuahna a lo lang thin hi a awma , chu chu .

      Lamang in lo let a, Israel rama siang ang in rawn lawi hunah chuan  thangril lai ah min han dawn ve thin ualang, hlim leh lawm a L-lpa rawng in bawl theih nan , kan sakruang piallei thuah riat hnuaiah kan zalta........... 

     Mite chuan he ram tan hian an sakruang an hlan laiin keive hian thisen farkhat pawh kalo la seng ve der lo mai hi chu azah thlak hmange aw... te ka ti vawng vawng a, Aw... Martyrte pual ram venghimtu Sipaite tan hian kum khat chhung hian vawi engzat nge kalo tawng tai ve tawh aw, chupawh ka lola ti ngai lo ani lo maw? tihte chu keimah leh keimah kain zawt mawlh mawlh a, Martyrte thisen azarah ram H-shemin kan pu Avrahama hnena a lo pek tawh chu dinthar a lo ni tain neitu nihna kan chan leh phah ta a , tichuan Martyrte thisena tlan ram Zalenna champha hmang turin ram pumpui mei chu khawtin leh khaw inkar kawng zawng zawngahte chuan Israel National flag Magen David , Davida awmphaw chuang ngei mai chuan cheimawi veka  ni a, Martyrte azarah Independence day champha chu kum tin kan lo lawm thei ta a , kan khua ah chuan kan in bul maiah zan thianghlim tangin an hmang tan a, festival ropui tak angin an hmang azaithiam leh lam thiam  ten show an nei mup mup thin a, Israel ram sipai ralthuamte an rawn chhawpchhuak teuh a, chungte chu aduh duh en theih atan a ni .

Martyre hi i hre reng ang u.

Mamawitei pa

Sderot, Israel         


  

Isum kha en chiang rawhItzkhak Colney

Kan la tawn loh mai avang a, kan ngaih thah thin avang in mi tam tak Sal ah kan insiam thin a ni. Misilat Yesharim hi kan zir tlem theuh vek ka ring a, a chhan chu thu nawi tak tak kan hriatsa niawm tak tak a in ziak teuh a, ka hria a lawm kan tih kan zawm peihloh ziahna bu hi kan ngaina lo hlawm hle in ka hre thin a ni.

Kan hringnun hman chhoh zel tur hi khawvel thar a ni zel mai dawn a, nitin mai hian thiamna  a sang chho zel in, thilmak tak tak hmuhchhuah chhoh zel a ni. Torah zawlnei te khawvel sawi chu a lo thlengdik chho zel a, engah mah ngailo mi te tan chuan a HO reng viau mai awm e!

Mi tupawh tan a tangkai thil han ziah ve mai mai ka duh a, Kan harsatna leh buaina hi ka hriatchian em avang in ziah lan ngei ngei hi ka bat veah pawh ka ngai thin. Hetiang hian han sawi zau ilang, hna kan thawk a, kan hah em em a, in kan haw hunah pawh kan chauh lutuk vang in Zu te kan in vak mai a, kan chau tih reh nan, kan hnathawhna hmunah te tawng kan thiam tawk loh vang in nitin mai hian lungawi lohna in min bual bawk thin a ni. Bazar ah kan chhuak a, kan pawisa hman te dik lo tak in min lei tir a, a tih felnan  hun kan indaih bawk si lo. Bazar lian zawk ah kan kal a, mi bum tur zawng reng reng hian heihi a tha ti in kan thluak suk an tum bawk thin.

Heng buain khawvel ah hian kan leng mek si a, chuvang chuan fimkhur zir chu kan tih makmawh a ni ngei a ni. Mahse kan harsat em em si, hah tak a, kan thawhchhuah te kha midang mithiam ten min bum in min eisak mai mai thin a lo ni. Hengbuaina tawk te hian sawichhuah ching silovin an tuar tlawk tlawk a, sawichhuah zahthlak ah ngai in, an zep a, midang in an tawrh ve phah thin a ni. Heng Lashon hara kan sawi zuah zuah ai te hian kan thil tawn kan tihsual palh midang ten an tih sual veloh na tur a thusawi tam te hi ching zawk ilang chuan Hmangaih insakna bungrua a ni mai dawn lovem ni.

Then khat ten pawisa tlem a zawng an dawng a, hausaber emaw in tiin Mobile manto to an lei a, hmangmiahlo mahse zali zanga an rawn chawi ta bawksi, sawifiah thiam tak tak bawk silo, sawithiam pawh nise sawt tawh chuanglo ang chi dinhmun lah a tam bawk si.

Heng thil ah te hian FIMKHUR hle ang che.

# Karsis Visa: Bank ah pawisa i ngah deuh chuan Visa siam tur in an ti che a nga, kum khat atan a free an ti anga, a kumhnihna ah engzat nge i chawi dawn tih sawifiah lovin. Visa i bank Visa bak kha eng Visa dangmah siambelh suh ang che. Bazar tlawmna, Petrol thun tlawmna, thil lei tlawmna an tih zawng zawng hmui pu thiam tak tak dawt sawi inzirtirna Course a Train chhuak niawm tak ten an sawi kha, awi suh ang che.

# Mivtza: Lei angai lo. kha Mivtza a kha i mamawh a chu Mivtza a nihvang nilovin i mahmawh a nivang zawk in lei ang che,

# Eitur chungchang: Israel ram kan chenna theuhah hian Super a awm deuh theuh a, chuvang in eitur lei dawn reng reng ah kar khat tla bak lei loh tur a ni. Karkhat chhung a i mamawh ziak chhuak la, a tul lo erawh leimiah suh ang che.

# Bank: Mitam tak hian Minus neih hi kan inchhuan phah zawk tawh a, mahse heihi a dik lo a ni, Bank a kan minus hian a pung a tam em em a, a misgeret (huang) theihzat siam pawh ni ilang. Loan tlem te lak belh a, a pung tlem zawk in minus lova insiam tur a ni.

# Eitur reng reng Tashlum (instalement) loh tur a ni, a chhan chu kan kartin ei a ni a, ba insiam thar vel hian a leh pek ah a lethnih ba minsiam zel thin a ni.

# I pawisa lak luh aitam hmang chhuak lo ang che, chumi tih pui tlinna tur chuan i thil lei i tih tlem a ngai a ni emaw, i thawh tam deuh a lo ngai dawn a ni.

# engthil pawh ti pui tlin dawn la, a hrezawk tur rawn hmasa ang che.


 

   Benei HaMenashe to Netanyahu

"Terrorist vangin kan nunna hlauhawmah a awm"

Itamar Aikhner (Reporter - "Yediot Akhronot")

      "Nunna atana hlauhthawn awm tak meuhvah kan cheng mek a. Kan awmna hmun Area vela Underground Terrorist ten kan community mi leh sate chu kidnap a an mahni tlanchhuah let leh nana pawisa tam tak takte dil turin min vau reng mai a. Tun hnaiah phei khan kan Beit Kneset leh khaw chhung in leh avel lam hawi zawng ten Silai an rawn kap a.  Pu Prime Minister , i hnenah tunah hian kan ngen a che , tun hi Ramthianghlima min hruai haw hun ani e- atlai luat hma hian" tiin.

    He Lehkhathawn hi hmanni lawk a Benei Menashe hruaitute Eliezer Mate leh Amihud Phaltual-te ziah Prime Minister Binyamin Netanyahu hnena an thawn a ni a. He lehkha hi Netanyahu chuan "Shavei Israel" Chairman Michael Freund hnenah ahlan chhawng a, amah hi Benei Menashe mi 7,000 India hmar chhak atanga Israel a lalut tura bei mek tu a ni.

   Heng Community mipuite hian Menashe hnam thlah kal zel hnam sawm bote zinga mi Israel ram ata hnawh darhte niin an inngai a. Tunah hian member 7,000 vel an ni a, kum 2005 khan Israel Chief Rabbi  Shlomo Amar chuan an lo to chhuahna zungbul chu Juda ani tiin alo puang tawh a, tunah hian mi 1,700 vel Israelah hian an cheng mek a ni.

    Tun hnaiah khan Benei Menashe te tamna lai ber Manipur India ramah chuan ral laka invenhimna lamah atla hniam em em a, heti lai Area velah hian Underground ho India lak ata din hran duha Independence sual ho leh Security Force hote indo buaina leh inkutthlakna a awm reng a, Underground hote hian Civil mi pawi sawi lote pawh an khawih tel bawk a.

   Tun hnaiah khan "Yediot Akhronot" Chanchinbu ah khan Intirior Minister Eli Ishai leh Netanyahu Office-te heng an thu vel chinfelna tura an indawrna vel a chhuak tawh a, tah khan Benei Menashe-te hian Nepal-ah Giur an ti anga chuta tang chuan Israel-ah pawh an lo pem anga, amaherawhchu heng thu velhi Nepal thu neitute laka enfiah mek rih a ni.

     ( He Article hi ni 5/3/2010 "Yediot Akhronot" chanchinbu ami  lehlin leh lakchhawn ani .) 

 

Comment:

Zautea Chongthu : kan unaute hi chuan a hun hi an hre thin asin....hahahaha
engpawh ni se tak tak a nih chuan an lainatawm hle mai..

Donald Dta : Tu thu hmua rawn thawn nge tih hi ka rinna chaklo tak mit chawngkawrin ka hmu ri ruai mawle....
Donald Dta March 9 at 9:26am
I article lehlin chu a tha hle mai..mahse sawi tawh angin a punctuation hi....fullstop aiah coma hlir i la dah...siamtha teh
HAKHOKHMA March 9 at 10:56pm
i advice na chu a ropuin i thahnem ngaihna ah kan lawm thu e, engpoh nise keini chu a letchhawng tu te mai chauh kan ni a, hei i tan liau liau Website ah a MAAMAR a kan rawn chhawp chhuak a, a remchan dan ang in nangman i lo rem mai a ni ang chu. mi ta ani a, kan sik sawi belh vak ngam lo e kei ni chuan,, lolzz

Donald Dta March 9 at 11:56pm
lolzz...mi ta ani emaw nilo emaw...ivrith-a an ziah mizo tawngin i letling a..a thu ti danglam roh ka ti lau...a fullstop leh coma vel kha lawm fimkhur tura ka tih che..he hu che hian

 

                                 DAWN TI SEI   Yoel Ilan

      Kha rin phak lohvin thil in ti a, Man of the Year 2009 ah te min lo thlang ve hlawl mai a, ropui ka tih leh lawmawm ka tih rual rual in, mi hmang hria leh hmangchang hria an tam vei nen kei ber kher chu tiin tling lo ka inti a, ka lo insit rilru viau zawk a, mahse lehlamah chuan tianga inngaihhlut derna chang hi kan hre har lutuk em aw te ka ti deuh rum rum a, (kei kher ka tihna a ni lo ania) , HAKHOKHMA nge nge infak awm kher mai, hetiang dinhmun min han pek takah chuan, mahni khah liamna lam lamah tlem kahan thai kawi ve teh ang, keimaha thudik nung reng leh ka kawng entu atana ka lo hman ve thin a eng atet leh a focus bing (chian em) avanga ka hnam pui ten min tawm pui duh tak tak loh mahse engtik lai maha ka phatsan ngai lo tur leh a dikna chu a chhut peihtu leh ngamtu te hmuh a lo lang leh thoin hi ka han puang chhuak ve teh reng reng a nge, chhuah tlaka in ngaih loh leh ka phun chuang lo anga, in lo chhuah ta a lo chhiar peih lo an awm pawhin an thu thu le.

     Aw le, kan hun hman tawh te ka han thlir let a, Israel kan lo thlen khawm a, kan that hnem deuh tak atang khan mipuite karah in fak derna leh inngaihsan tawnna hi a bo hlen ta hlein ka lo hre thin a, miin thil emnge maw, khawtlang tana chhawr awm thei chi ang tura , hma an lakna a lo awm pawhin a mipui lam atang hian back up a hma la tute ti chak thei tur zawng a thawm lo siam ai chuan kan lo ngawih thup emaw, a nawi zawnga kan lo sawi emaw hi a tam zawk fo thin , hei hian kan hruaitute leh kan tana hma la a, ke pen chhuak tute a ti chak lovin an tha  ati zal thei hial ani, kan awmna hmun tinah hian in kaihhruaina body neiin kanin pawl khawm dial dial thin a, khawi khua atang mahin an hruai tuten mipui rawn lo leh an duh loh zawngin hma an la a, tih thu kala hre miah lova, chu ai chuan hruaitu chuan hmalam kawng thlir lawk anei a, chu a kawng hmuh chu hmasawnna kawng a nih theih nana zawh dan tur pawh a duang lawk a, chu chu mipui ah pulutin a rel pui a, chu mipui rorel leh pawmpuina hmang chuan hma ala ta thin a ni, mahse keini mipuite chuan atlangpui thu in kan ngaihtuah ho tawh anga , hruaitute an kala an lo hlawhtlin pawhin ahlawhtlinna chu kanta ah kan ruat peih tak tak chuang lova an lo hlawhchham leh lek phei chuan rel phar chanin kan chang zui ni maia ka hmuh hi a tam a ni, tin mipui zingah hruaitute ti chak a an hlawhtlinna chu kan hlawhtlinna angaitu aiin lang mang silova chang ru a, an chak  lohna chu hlawk nana hman lo tum ran hi kan bo ngai miah lo bawk.

      Kei chu pawl anga inkaihhruaina hi chhungkaw enkawlna nen hian ka teh reng a, a ruangam pawh inang chiah turah ka dah thin , ka nu leh ka pa te hi ka ngaisang a,ka zah a, an hun chhung na na na hi chuan an hmalakna ah a pal thlu turin ka ke ka rawlh ngai lovanga, harsatna leh beidawnna tling lo intih hun an lo thleng anih pawhin chu chu U ber ka nih ve avanga 'ka tan chance......' ti mai lovin ka thiam leh theih ang tawkin ka chhawmdawl anga an ke ka tihchak sak zawk ang, chu chiah chu ka fa te atanga ka phut leh beisei a ni bawk, lehlamah chuan chhungkaw tana nu leh pa an rinawm ang bawkin hruaitu chu pawl tan arinawm tur ani, chhungkaw dintuin a ei ai leh a thuamah pawh atha tha a nupui fanau tan ape tur a nih leh a pek ngei ang bawk hian, pawlah pawh hruaitu inti ngam ve tur chuan a dinhmun tur leh a hlawh tur ringawt a um thiang lo ani, sum lama intlansiak ai chuan hmasawnna lama intlansiak a tum zawk tur a ni, Lal Solomon'an 'Sum tam tak aiin hming that hi thlan zawk tur ani,' a lo ti mathlawn lovin, sum tlema zawng leh hmingthatna tlem khum tura hnam chanve hralh te hi ka ei thei ngang lova, ka mihring pui thenkhatte lah hian min hriatthiam pui thei der si lova, kha chen kha zai dawh takin ahma latuah ka lo tang tawh a, ka zai dawhna leh kan tana rawng bawltute nen a, kan indawrna kawng a, ka chet lak dan te kha, nihve tum thenkhatte tan chuan chak lo ka nihna alo ni a, hruaitu ber si, mi thu thu a awm angin min tar lan an tum thin a, mahse hetianga min tarlan tum tute hi an mahni tanghma haina remchang melh reng chunga ka remruat anga engemaw chen lo kal tawhte an ni, ka ngaih anga mahni hlawkna zawng lova, mipui tan chauhva inpe a, rawngbawl vekhi ni ngat ila chuan, kan zingah mihring ringte pawh hi an awm tawp lovang, Sefardi leh di lo , Ashkenazi leh zi lo tihah pawh kan buai bawk lovanga Mizoram Manipur tih pawh hi kan khel kan khel bawk lovang a, BMC Shavei tih vel leh C lo leh Vei lo tihte pawh hi angai bawk lovang, he kan vanram ramthianghlimah hian inunau takin 'HEVENU SHALOM ALEIKHEM' kan ti dial dial awm si a, mahse tunah rih chuan chhia thata han inhmuh khawm ni khua chang te hian Bawng rual hi ka inteh thin , kan in melh hu hu a, inpawh leh hmelhriat tum chuang miah lo hian, kan inpel ta mai mai zawng a nih hi, hei hi kan tam ve tawh vang mai zawng ani hauhin ka hre lo, kan karah Shalom a len loh vang mai chauh ani, athen lahin chhungkaw thlukin an lo thluk bawk thul nen, kan buaina hia ho a sin, kan buaina hote tihtak zeta kan buaipui ang hian mahni theuh hi mahni chhungkua theuhhi han buaipui thei nita mai ila, hma kan sawn dan tur zia hi aw,,, tiin ka ngaihtuah fo thin asin, kan buaina chu  maw,,, 'INTI' hi a lawm, kan inti israel a, kan inti Ramthianghlim kal vel a, kan inti Menashe bawk a, kan inti BMC a, kan inti Shavei bawk a, kan inti Dati a, kan intih Khiloni (Sakhawmi lo) hunah phei chuan a pawi ngawt ang, khawi hmunah pawh mi inti deuh hi chuan tumah an mil thei lova, tuman an mil tak tak ngai bawk lo.  Inti hi kan thuama kan hman chhung chuan kan rawng a inang tak tak ngai dawn lova, Uniform inang lo na na na zawng Sikul dang kan nih thin kha, he thuam inti hi Ralthuamah hmang tawh lovin 'Ka ralthuamna ka dah ngam lo' tih hla sa ve duhlo tute kan nih ang ngei khan Ralthuam chu dahin SHALOM EMET in  inthuam tawh zawk ila, he Menashe Luipui hian Israel ah kan luang lut dawn nia, chutih hunah zawng kan thlen chin chin ah awmzia kan nei anga, min buaipui tute tan lah thu khat nisi kha, alakna bik an nei tawh anga, an mahni duhdan leh rilrem zawng ni lovin , kan duh dan leh mamawh dan a zir zawkin kan hmasawnna tur min ngaihtuah pui thei tawh zawk dawn  ani. 

  In ning tawh ang a, tawp lamte pawh hnaih ila, sawi zawh mai mai chi ani mang si lova, hei hi i hre reng ang u, 'ATA EKHAD VE SHIMKHA EKHAD UMI KEAMKHA ISRAEL GOI EKHAD BAARETS' 'Pakhat ini a, i hming pawh pakhat a ni, tin imi Israelte anga hnam khata Rama awm tunge awm,' i ngaihtuah ve mai mai ngai em? L-lpa pawh hi min awmpui a, min malsawm tur hian ka siam em aw? tihhi kei ni helaia Menashe inti Sang chuang awrh te hian , EKHAD chu phel engzatah tak chhuah ang i maw? 'LENRUALTE U ZUANGIN THO RU RALTIANG I KAI VE ANG' ka lawm e.  Shalom


  •  
    • ISRAEL-ah KUM HNIH     Lalthakima, Israel 

      KAN THLEN HLIM: Shavei Israel Organisation bultum, Jews Agency te hmalaknain November 2006-a Mizoram atanga mi 218, Israel ram hruai thlente zingah ka tlin lohna ang anga pawmin, Lalpa khawngaihna avang liau liauin ka tel ve a. Bombay International Airport atanga Israel thlawhna EL-AL-a darkar riat lai kan thlawh hnu chuan November ni 22, 2006 zing khaw vawt tak karah Tel-Aviv Ben Gurion Airport-ah kan tum a. Airport chhunga room lian tak pakhatah chuan eitur tuihnai tin reng buatsaihsain min lo hmuak a, thlawhna chhunga kan lo in eipuar tawh avangin ei tha peih a bar kan awm tawh lo. Chu bakah, kan thlen hlima engemaw thil tul han lam mai nan tiin he room-ah hian pawisa, mamawh zual leina tur leh temporary identity card (teudat ole) chu chhungtinin kan dawng nghal a. Kan Mizo-pui Israel rama cheng tawh te'n an hna leh an hun hlu tak kalsanin khaw vawt tak karah min lo hmuak a, tichuan hlim taka chibai te kan inbuk zawh hnu chuan keini group chu bus mawi leh lian takin Israel ram hmar lam Nazaret khawpui, hun engemaw chhunga kan chen nana buatsaih lam panin kan tlan ta vang vang mai a ni. He group hi hmun hniha then kan ni a, group khat chu hmar lam tho Carmiel khawpui mawi takah dah an ni.

      KAN CHENNA TUR HMUN

      Kan chen lailawkna tur hian building lian tak pahnih, fai leh compound nuam tak, room chi hrang hrang nei buatsaih a ni.

      A hmun kan thlen hian min enkawltu tur te bakah Nazaret khawpui enkawltu/hruaitu lu tak takte'n hlim takin min lo dawngsawng a. Kan room tur theuh chahbi kan han dawng sang sang a, room chhungah chuan engkim peihsa, mutbu, fridge leh thingpui/coffee han in mai theih tur leh bungbel te alo awmsa vek mai. Dinning hall lian takah chawhlui tuihnai takin min lo hmuak bawk.

      Thlen hlim buai zual chhung kar khat zet chu zing leh tlaiah chaw tui tak dinning hall-ah a huhovin kan dawng ziah thin. He chaw hi thalai zinga a ei duh apiangte chuan kum tluanin an dawng chhunzawm bawk. Chhungkuaa awmte chu kar khat ral hnu chuan mahniin rawng kan inbawl ta a, kan thlairep kente kan han keu thet a, bekang rep, baibing rep, rawtuai rep rimte a nam nghal ram ram mai. Kan thlen hnu hun rei lo teah keimahni min lawmna hun buatsaih a ni a, Nazaret khawpui hotu (Mayor) te leh sorkar office-a officer lian leh mi pawimawh tak takte'n thu tha tak tak sawiin an duhsakna min hlan a ni.

      KAN MIMAL HAMTHATNA

      Kan chenna building-ah hian office lian tak a awm a, chuta hnathawk zawng zawngte chu keimahni min buaipuitute an ni. Kan thlen ni atangin min buaipui nghal char char a, medical check-up, insurance leh bank account te min hawnpui nghal vek a. Pawisa draw chhuahna leh damdawi in dawrna card fel tak, nawhalh bawm tiat lek, pan tha thlerh thlawrh leh rammi nihna identy card fel tak, a pathum pawha purse-a han dah mai theih vek chu hun rei lo te chhungin mimal tinte'n kan dawng nghal vek. He card pathum hi kawng engkima neitu chan min chantirtu leh mi tiawlsamtu thil pawimawh tak a ni. Chung card pawimawh takte vawnhim dan tur chen chuan min zirtir bawk.

      KAN ZIRNA

      Kan inchinfel thawkhat hnuah chuan kan building chhungah ngei, ni sa, ruahsur, khawvawt leh khawlum engmah tuarlovin zirna sikul kal kan tan ta a, Israeli leh Russian nu fel, hmeltha leh hawihhawm tak tak te'n nitin zing 8:30 atanga chhun 1 thlengin Hebrew min zirtir thin. Kan vaiin group 5-a then kan ni a, thalai, nu leh pa a hrangin. Khawngaih chunga khawngaih leh chhawnna tih ang deuhvin, nu leh pa, zirlaia hnufual deuh leh hmasawn duhte tan zan lamah zirtirtu dangin hunawl karah extra class min neihpui ziah bawk.

      RABBI FEL TAK MIN PE

      Kan han inremfel atanga thla 2/1 hnu atang chuan vanneihthlak takin kan thlarau lam nun kaihruai turin Shavei Israel bultumin Rabbi Yahuda Gin, Rav fel leh duhawm tak chuan min rawn chenchilh nghal a, nitin chhun leh zanah kan hunawl neih dan te siamfel a nih hnuah tawng lehlin chawp ngai miah lovin mahni tawng ngeiin Pathian thu tha tak tak thahnem ngai takin min zirtir thin a, kan lawm hle a ni.

      MIN ENKAWLTU MIZO NGEI

      Ram neitute, keimahni min enkawltute bakah kan damloh mangan emaw, kan mamawh kawng tinrenga kan harsatna kan tawng ngeia kan sawi theihna tur leh a tul ang anga min buaipui turin Israel rama hun rei tak awm tawh, tawng thiam Mizo mipa 1 leh hmeichhe 2 fel takin min chenchilh bawk. Anni hian an hna an tlin em em a, kum khat chhung min enkawl a, an chungah kan lawm em em a ni.

      EXCURSION KAN NEI THIN

      Kan zir chhung hian a khat tawkin excursion kan nei thin a, Israel ram hmun pawimawh tak tak te, kan thlahtute lo chen tawhna hmun te leh hmun hmingthang tak takte min tlawhpui thin. He'ng kan zinkualnaah hian kan eitur min buatsaihsak bakah kaihruaitu (guide) tha tak leh fel takte'n a bul atanga a tawp min thlenpui thin a ni. Kan thawmhnaw inbel dan tur, pheikhawk bun hahdam tur thlengin min hrilh thlap zel.

      THILPEK KAN DAWNG NASA

      He hmun kan thlen hlim hi thlasik khawvawh vanglai a lo ni a, 'khawilama mi zozai nge?' tih mai tur khawpin Israel rama lo cheng tawh kan Mizo-puite leh Israeli-te hnen atangin thilpek hlu tak tak kan dawng teuh mai. Thawmhnaw lum, kamis, kekawr pheikhawk thlengin hak sen rual a ni lo, ip lian pui pui hian a lo thleng tup tup reng mai a, keini ang rual, thawmhnaw lum pawh nei zo lo kha, Lalpa thatna avangin, kan vaiin, a te ber atanga a lian ber thlengin kan lum veng veng mai chu a nih kha. Mahni sum seng miah lovin kawrlum te kan han hak thlak sek mai zawng a nih hlawm kha! Kan ha seng lo a, a dahna a indaih bawk si lo, bawlhhlawh bawm lama paih lut tawk lah bo lo! Thawmhnaw hak sen rual loh kan vaiin vawiin thleng hian kan dawng zel.

      KAN KHAWSAK DAN

      He hmuna kan zir chhunga kan khawsakna atan chhungkaw tinte kan bank account-ah sum a lo lut zel a (he sum hi kan rulh leh tur a ni lo a, ramtiama hawte thilthlawnpek dawn liau liau a ni). Mizorama kan awm laia keini angina kan hmuh phak loh bawnghnute duhtawk, apple, grape leh thei chi hrang hrang duhtawk tak meuh, theitui chi hrang hrang duhtawka chhungtinte fridge mawi hmak mai khawpa a han inhung tlar thut mai te, chu bakah arsa, bawngsa, sangha chak zawng zawng duhthala kan han khai haw ve ta te, chawei tui lo tana han inhnawh puarna tur eitur tha chi hrang hrang lah a tam ropui si.

      "Insak loh inah in cheng ang a, in chin loh theirah in ei ang" tih te chu a taka chentuah Lalpa thatna leh zahngaihna chuan min lo siam ta der mai.

      A ram theirah hi a tui em em vek a, tin, thei chi hrang a tam bawk. Dawnfawh te hi a lian thei khawp a, pum khat kg 10-20 hi bazar-ah te hian a lum hul mai a, a man a tlawm ropui si, a thlum em em hlawm lehnghal.

      "Vawiin chu tui a lo haw dawn, in nghah a ngai," tih a tul tawh lo, tuisemtute biak that deuh lah ngai tawh lo, heti khawpa ruahtui tlak tlemna ramah hian chhungtin hmansen loh, kang ve ngai lo, in tinah tui lum leh vawt duhtawka herhchhuah theiha a awm reng mai te hi a mak a ni.

      DUHSAKNA KAN DAWNG

      Thla 2/1 kan awm hnu chuan kan khua Nazaret khawpui dinthar leh hnu kum 50 tlin (golden jubilee) lawmnaa sawmbikte Israel ram prime minister leh minister dang pawimawh tak tak leh sorkar miliante fuankhawmna hmunah keini group aiawhin nupa tuakkhat thlan chhuah an ni a, min duhsakzia lantirnan lawmna mei dettuah hial hman an ni a, a ropui khawp mai.

      Tin, kan chenna building-ah police lam hotute lo kalin, chetsualna laka kan fimkhur dan tur leh kan taksa him dan tur te, mitinin 'right' kan neih dan te, kan khawlai vahchhuahna a ni emaw, in lamah a ni emaw, kan fimkhurna tur thil leh kan tih ngei tur chi te chiang takin min zirtir bawk. A bengvar thlak khawp mai.

      HRISELNA LAM

      Hriselna chungchang hi an ngai pawimawh em em a, doctor-in thisen, zun engkim min check-sak chamchi bakah kan chenna hmunah ngei health deptt lam te lo kalin, kan eiin siam dan te a hrisel tawk em, eng nge breakfast/lunch-ah kan ei a, naupang eitur eng nge kan siamsak thin? tih te an rawn enfiah thin. Ei leh in tur siam dan leh hrisel zawkte min zirtir thin bawk. Tin, kan bazar dan tur chungchang thlengin, thil hrisel, man tlawm si kan lei dan tur te, kan thil lei hrisel tawk leh tawk loh kan check dan tur thlengin engkim min hrilh fai leng a ni ber e.

      NAUPANG ENKAWL DAN

      Chhangchhe nu leh pa te hnenah an fate enkawl/kaihhruai dan tur bakah inchhungah pawh ni se an intihpalh leh chetsual mai theihna laka ven dan tur thlengin, engkim min zirtir thin. Tin, electric leh gas kan hman te a him tawk em tih te, fel lo lai te a awm em tih check kual reng a ni bawk. Gas bur hi inchhungah an dah ve ngai lo a, thil thiang lovah ngaih a ni tawp mai.

      Naupangte hi an sikul kalnaah a ni emaw kan zinchhuah pui dawn a ni emaw, an inchei dan tur an pheikhawk bun tur chi leh an inthuam dan tur engkim hrilhlawk thin kan ni a, tin, an sikul ban hnu tlai lamah kan building chhungah enkawltu hranin thil dang, infiamna lam an zirtir leh thin bawk. Naupang zawng zawngte chu an kum phu tawk ang zelin sikul-ah an dah a, naute pawmlai te pawh an nu te'n tha taka an zir theih nan tiin nauawmna hmun tha takah an dah thin.

      SOCIAL WORKER DANGDAI

      Kan chenna hmunah hian social worker fel tak pahnih kan nei a, kan thlen hlim hlawl atangin mitin mai hi kan vaiin a mal malin interview min neihpui vek a, eng phurrit nge kan neih min zawt thin. Harsatna bik riau kan nei em tih te, kan hun kal tawh leh kan tawn mek thlengin chipchiar takin min zawt thin. Kum upa lamte pawhin hetiang hi an la tawn ngai reng reng loh thu an sawi.

      Anmahni hi an nelawmin a fel em em a, thian kawma kawm theihin a awm thiam a, an bulah duh aia tam sawi a awl hle. Interview min neih pui atang hian tunge ka nih, eng mize pu nge ka nih, englam hawi zawnga enkawl chi nge ka nih tih hi kan thlen hnu chawlhkar khat lekah min hre vek thei.

      Ka sawi fo thin chu - Mizoram chu sawi loh India rama kan awm lai chuan kan mizia tam tak chu kan thupin kan thukru a, tu deptt mah hetiang taka mimal nun leh chhungkaw chik awm hek lo, a rethei kan rethei ngawr ngawr a, a hausa an muk telh telh a, kan inkar a hla telh telh chu a nih kha maw?

      Ram thianghlimah zet chuan mihring nung ve kan nih chuan a tu a te pawh min ngai pawimawh em em a, nun hian awmzia a nei a, kan nihna a langchiang ta kawk mai a, zep theih leh thupbo theih rual a awm ta lo. Kan nihna chiah chiah kha pholanin a lo awm ta a ni ber. He mimal interview atanga an hmuhchhuah - nupa kar harsatna a ni emaw, pa/nu leh fa kar a ni emaw, harsatna ruk engemaw tak nei a ni emaw, a tanpuina kawngah hneh takin midang hriat si lohvin hma an la nghal char char a, hei hian mihring nun an ngaih pawimawhzia a tilang hlein ka hria.

      Tin, taksa leh rilru lama rual ban lo, hnathawk tak tak ve thei tura an ngaih loh te phei chu sorkar atanga tanpuina an dam chhunga thlatin an hmuh theihna tur kawng dapin hma an la char char a, hetiang tanpuina dawng hi keini Mizo zingah pawh engemaw zat an awm. Thlatin sum a dawn ve miau avang khan a chhungte tan khan phurrit a nih loh phah a, chu chuan chhungkaw hlimna a thlen alawm.

      Social worker hi Israel ram khaw tinah an awm a, bial an nei hrang theuh thung. An training-na a tha hle a ni ang, an hna hi an hneh em em vek mai a ni. Keini chhungkua hi mi duhsak ta ber emaw'n le tih a awl khawp mai. He hmalakna duhawm tak, mimal nun ngaihvenna hian chhungkaw tinah, khawltlangah, ramchhungah rahtha a chhuah a, an ram pawhin heti taka chaka hma a sawnna rahbi pawimawh tak pakhat chu a lo nih dawn hi.

      COURSE KAN ZIR LEH

      Chutianga duat taka thla 7 lai tawng zirna sikula kan zir hnu chuan final exam te neiin a thawh khatna chu kan zo ta rih a. Tichuan chawlh (holiday) hun engemaw chen neiin chumi chhung chuan hmun pawimawh hrang hrangah te min han zinkual pui leh te te a. Chumi hnu chuan kan eizawnna lam tur hawi course chi hrang hrang min chhawpchhuahsak leh ta a, he course kan tan hma hian kan zavaiin mitinte dinhmun, eng course zir tur chi nge kan nih, kan thluak chak dan (talent) test chipchiar tak min neihpui leh vek a, Mizoram te anga tute emaw hmelhriat vanga mahni tlin loh leh phak loh puia inhnimphum mai chi chu a ni hauh lo.

      Kan test result atang chuan mahni phak tawk ang course chi hrang hrang zir tura hnimphum leh vek kan ni.

      Kan awm dan leh thil tawnte ka chhut chet chet hian, naute a lo piang a, chaw kan barh a, tawng kan zirtir a, sikulah kan hruai a, a silhfen, a ei/in tur, a damdawi leh doctor rawn ngai zawng zawngah kan kai hruai a, a lo puitlin hun atana tha tur kawng kan dap a, kan kaihruai chho zel hi ka inchan ber thin. Kan ke chheh tin rengah min kaihruai char char a ni ber mai.

      KAN INTHENDAR TA

      Course kan zir zawh meuh chuan kum khat a lo vei ta der mai a, kan awmna hmun chhuahsana mahni kea ding ve thei tura ngaih kan lo ni ta. Mahni chenna hmun tur duh kan thlang a, mahni thiantha leh chhungte chenna pan an awm laiin kan hotute'n awm se min duhsakna hmun pan an awm bawk. Intihluih a awm lo a, mahni duhthlanna kha a lal ber chu a ni.

      Khaw hran hran - Carmiel, Maa lot, Afula, Kiriat Arba, Bet el.Sederot etc-ah te kaldarhin awmhmun benbel kan tan ve ta. Tichuan kan inluah neitu nena kan contract denchhenin inluah man engemaw chen sorkar chuan min tanpui zui ta zel a, chhungtin dinhmun leh member a zirin tanpuina dawn zat hi a inang lo. Hei hian khawsak a ti ziaawm khawp mai. Inluah contract sign hi a tlangpuiin kum khat a ni ber a, chumi hnu-ah duh chuan chhunzawm leh zel a ni.

      KAN AWMNA KHUA TEN MIN LO DAWNSAWN DAN

      Khua kan luh hlim, tu khaw khain min rawn um e hma ni 2/3 chu a bangbo thlak khawp mai. An han hriat ve tak chinah erawh chuan a hria an lo pung zel a, chaw leh chawhmeh hminsa tuihnai tak in tinah min han hlui phawt a, thawmhnaw buara ip engemaw zat kawngkhar bulah a lo intiang nghek nghuk ta fo mai. Hak duh chi a awm laiin hak duh loh chi lah a tam bawk. Mut puan lum chi hrang hrang leh meilum ai chi te nen lam kan dawng zel. Thilpek petu nih hi an duh hliah hliah a, rawngbawlna pawimawh takah an ngai a ni.

      Chini, chi, coffee, chhang leh thei chi hrang hrang nen mi hrang hrang hnena atangin kan dawng ta zawih zawih mai. Hun a lo ral deuh hnu phei chuan fridge, almirah leh washing machine thar te thlengin kan dawng ta. A mak hi ka ti lutuk a, awih pawh har ka ti rum rum thin. |hutna lam sofa, khum te pawh second-hand kan hung ve ta dul mai a, kan mamawh tinreng hi an rawn vawm lut a ni ber. Tichuan Kut chi hrang hrang kan han hman dawn te hian bazar-na kan neih loh hlauvin pawisafai leh Kut chhunga ei/in tur chi hrang hrang min mawlh mawlh hlawm bawk.

      Kan thilpek dawn hi chu a uar lo thei ang bera ka sawi a ni a, a chipchiara sawi dawn phei chuan a awihawm lo mah mah ang tih te pawh ka hlau rum rum! Mizorama ka awmlai hun kha leh chenah khan mahni tih ve phak tawkah thilpek te kha ka lo va uar tawk lo em ka tri rilru a, inchhirnain ka khat thin.

      HNATHAWK LO TEN SUM AN DAWN

      Hnathawk nghal an awm laiin thawk nghal mai remchang rih lo pawh awm a ni. Hnathawk lote tan hian hming sign-na office a awm leh zel a, chutah chuan hna hmuh hma chu hming sign mai tur. Thawh loh vanga harsat lutuk lohnan sum tlem a zawng sorkarin a pe thin a ni. Heta hming sign chhung hian anni office lam hian kan thawh theih tur awm min lo zawnsak zel thin.

      An hlauh ber pakhat nia ka hriat chu hna la hmu remchang rih lo kha a lo rethei lutuk ang a, a rualawt ang a, ngaihtuahna tha lo te a lo neih phah ange tih hi niin ka hria. Chhungkaw tinte sum lakluh leh khawsakna inmil tawk leh tawk loh hi an thlirin an chik em em bawk. Khaw hotute hian a khaw chhunga cheng chhungkaw hrang hrangte dinhmun hi an hre chiang em em a, tanpui ngai leh ngai lote an hre hneh hle.

      A ram dinthar lehna la rei lohzia te ngaihtuahin a sorkar inrelbawlna hi a fel ka ti. Khaw kar kawng a tha em em vek a, tui, electric, gas kan hnianghnar em em vek mai, chhungtinin. Tin, naupang leh upa an ngai pawimawh em em a, naupang infiamna tur park nuam deuh deuh hi inkar hlat lo te teah a awm zel a, an sikul kal piah lamah an chawlh lai leh hunawla an tih tur, music zirna, tui chenna, lemziak zirna te leh an intihhlimna tur thil chi hrang hrang hi sorkar hian a ngaihven hle.

      Chutih rualin tar leh upa lam inawmtlei vena tur thil hrang hrang an buatsaih peih em em bawk. Upa lam tan 'function' chi hrang hrang an siam fo a, bazar leh kawngpui sir leh park-ah te an thut hahchawlhna tur thutna nuam tak tak an siam zel bawk. Zing leh tlai lamah te hian kawngsir hmun nuam tak takah hian an thu a, an inkawm laih laih thin. Kan ram lama tar leh upate ka ngaihtuah chhuak thin. In nghak tur leh a la chak deuh phei chuan nauawm tura kan dah ngawt nen kha chuan inang lo ka ti hle. Tar leh naupang an duat em em laiin thalai erawh hnathawk turah an dah a, an dim miah lo ti ila kan sawi sual awm lo e.

      Heng ka han tarlante hi a tlangpui chauh a ni a, kum hnih chhunga kan thil tawn leh malsawmna kan dawn te hi chipchiara ziak vek sen rual a nilo, a sei lutuk dawn tlat mai. Kan sawi uar a ni lo a, dawt a ni hek lo. A tawng ve lo tana 'a ni em em dawn em ni?' tih tur hi kan tawng tlat a ni. Chutih ruala kan hriat reng tur chu Israel ram pawh khawvel a a ni a, vanram la ni lo hek lo, famkim lo leh sual te pawh khawimaw laiah a la awm ang tih hi a ni. Engpawhnise, keimah bik chuan kan thlenthlak atanga malsawmna ka dawn zozai hi ka chhiar seng lo a, ka lo suangtuahna thin piahlam vek a ni e.


    •                                                                                   DAGIM         Israel ram Sangha leh Ram dang Sangha       Dagan Zolat  Israel ramah hian Sangha hi a tam em em a, chihnihin an then a; 1. Dagim Haarets ; hei hi ram chhunga thar chhuah a ni, (a) Must Must ho hi Gadol (Lian) leh Beinoni (laihawl) in an then a, heng Sangha hi Sangha phek uk deuh ahnungzang zawng deuh haw ah hian pangparh a nei a, a Gadol hohi  700gr bawr vel an ni a, a Beinoni ho hi 300gr vel an ni. (b) Buri pawh hi a lian leh a te an awm leh a, a lian hohi 1Kg atanga , 1.600 kg te an ni a, ate hohi chu 500g vel an ni, heng ho hi Sangha mum chi an ni a, avar lam tle deuh sar an ni, a lian hohi 1Ft leh 6 inch  vel lai an ni. (c) Karpion ; heng pawh hi a lian leh a te a laihawl an awm a, Sangha phek chi hring eng deuh phuhlip a hnungzangah tlem leh amei bawr velah an nei a, Sangha phek chi bawk an ni a, alian ho tak chu 2kg atanga 6kg vel an ni a, a aia lian pawh an awm nual. (d) Bilamur, amur te pawh an ti a; he Sangha india rama grass calft kan tih angchi kha an ni a, dum sei deuh arawng pawh avar leh a sen te an awm a, 2kg bawr atanga chunglam an ni thung tlangpui a, 10kg thlengte pawh an awm, an hnungzangah te takte pangparh an nei a, an mei bul lawkah tlemte , tin, an nghawng bul avei lam leh ading lamah chhete an nei leh a, an awmah tak a awm leh a, a dulhi amar phei bawk a, he sangha hi abikin Kafkazi hoin an duh bik deuh . (e) Admonit ; he sangha hi a sen engv a ni a, apian zia hi mustim te nen an inang hle a, an len zawng pawh Must Beinoni te nen hian an intiat tlang hle, arawng erawh a sen or serthlumrawng kan tih ang kha a ni ber, an len zawng pawh mustim beinoni nen an rih zawng pawh ain ang. (f) Denis; he sangha hi ram pawn atanga rawn lut pawh a awm a, ram chhungah pawh thar chhuah ve an ni, ram pawn atanga rawn lut hi Norway atanga lakluh an ni, sangha lian lo tak 250gr atanga 400gr bawr vel an ni a,  alluminium rawng phek chum dul var phuhlip sin te te nei , achal hi a bial hmei a, Burma vawk chal a ang ve khawp mai, sangha man to ber pawl a ni hial awm e. (g)Salmon kafu; Sangha lian 6kg atanga 7kg a lian an ni a, alluminium rawng phuhlip sin te te nei, adumin a kah deuh atisa chu sen sang mai an ni a, kawchhung ruak vek an ni a , adul kiar lai tak hi Yosef PC of KSN chawnpuar tiat vela lian 3ft bawr vela sei an nii tlang pui, Norway atanga lakluh an ni a, tin, atari(Tharlam) pawh a awm tho. (h) Salmon Chairah; heihi chu 1kg atanga 2kg tling manglo te an ni a, alu atel lo thunga, asa pawh ain ang deuh, arawng pawh ainang thuak , Chile product a ni thung. (i) Rosbast ;he sangha pawh hi Norway chhuak bawk a ni a, Kafu(khal) tho alu a tellova, asen a ni a, achhah deuha, sa var hlang mai , ahnungzangah pangparh a nei tluan chhuak a, zum tak khawng tak chhun na tak an nei a, phuhlip sin tak an nei baw. (j) Dag Muivah; hei pawh hi Norway lam chhuak bawk , nghate sei zen mai kutzungpui tiat vel kan saipir chen vel an ni tlang pui. (k) Bakhla Chairah leh Gadolah te ho hi 100gr bawr vel lu tello nghavawk ang type kha an ni a, eng lek lek an ni a, tin, a Gadol hohi chu 2kg hnih bawr te aia lian deuhte an ni thung Argentina ram lama atanga rawn lut an ni thung. (l) Kurbina pawh hi sangha phek sei an ni a, a lu leh kawchhung tello kafu (frozen fish) tho an ni a, eng lek lek kangtek thei kawr rawng ang deuh an ni a, a ukin a kap deuh zeuh zeuh a, 1kg leh 300gr atanga chung lam ani ni a, Brasil lam atanga lo lut an ni thung a ni. (m) Nesikah hengho hi sangha lian tak an nih hmel a, aphek 1tf aia hlai mah an ni a, achhah lam chu zungthum bawkte aia pan deuhte an ni a, athenah chuan a vun tlem a bet ve thin ruh tello an ni a, a ti hlanghlak asa chu var sar mai  ani, english chuan Nile Perch n ti a, Tanzania , Nigeria, Uganda te atanga lo lut te an ni. (n) Dag Tuna ; hei hi thingfak ang deuh type a ni a, chi thum vel an awm a, ruh nei lo vun nei lo te pawh an awm a, Tuna Chairah te hi chu 1kg atanga 2kg bawr vela lian an ni a, hmun 4 vela phel darh niawm tak an ni , Tuna gadolah te chu 8kg thlengte an ni, tin lavanah a awm leh a, hei pawh hi 2kg atanga 4kg vela lian bawk an ni, kafu an ni tih kha hriat hram hram tur  matsawin pan te te in an zai a, chu chu duh dan danin an siam mai tawh thin, heng Dag Tuna hohi Thailand , Indonesia atanga chawk luh an ni. (o) Phile marluzah ; heihi chu pante vun tello ruh tello an ni a, 1ft vela sei zung 3 bawr vela hlai pan tak an ni, hei pawh hi South American lam chhuak an ni. (p)Holivut ; he sangha hi phek hlai bial deuh mut 2kg leh 500gr bawr vel an ni a, a lu leh pumpui tello , pangparhin ahnungzang a khat vek a, nem deuh then mai phuhlip sin tete nei dum lam uk deuh khur ani a, nal zuak mai ani bawk a, atisa chu var tak ani thung a, aman pawh a to ve phian. (q) Sardinim; sangha mum chi lu lawk lo chi lian lo tak 100gr vela ritte an ni a, a dul hi a var deuh a ni. (r) Mackrels ; ate leh a lian an awm a, amum ani a, alu a zum bawk a, achung lam hi alluminium rawngin  an vang tiala mawi tak an ni , 600gr vela  rit an ni a , a lian lo chia te ho chu 200gr vel anni tlang pui, hei pawh hi Norway lam atanga chawk luh an ni. (s) Kord ; he sangha hi nghakhing kan tih te nen khan an inang hle bawk, Argentina lam chhuak bawk a ni. (t) Dog Sol ; heihi sangha te tak te phek var hlang mai an ni a, China lam product an ni thung.  

 
פארק אתרים מפת האתר דווח על הפרה ממשק ניהול