החכמה HAKHOKHMA


  
Israel ram Chanchin thar HAKHOKHMA (Finvarna) Kartin chhuak... עיתון שבועי לבני מנשה
HOME PageKEIMAHNI אנחנוISRAELMIZORAMRam dangTualchhungPhone DirectoryFiamthuShidukhRadio/Tv B.MMember FileMipui FileWebsite'sFakna פרסומותCHANCHINBUHO MAI MAISPORT'SבעבריתForumShabat Luh hunArticle
 
בס"ד

 

        hakhokhma@walla.com

a liana CHAT-na --> here

HAKHOKHMA Toolbar download

   




Thil Thar

HAKHOKHMA Man & Woman of the Year 2009
תאריך: 10.01.2010 02:52

Hebrew zirna
תאריך: 11.12.2009 09:24

Truma
תאריך: 06.12.2009 00:15

Birth day Hebrew a chhutna
תאריך: 16.09.2009 02:23

מבזק חדשות Chanchin thar Hebrew in
תאריך: 29.06.2009 03:26

   




מזג האויר , Weather

 Vawiin khaw awmdan 

K.Arba---------    19 - 30 Co     

Nitsan----------   26 - 30 Co

Afula------------   26 - 33 Co

Sderot----------   26 - 30 Co   

Beit El-----------   19 - 30 Co

Aizawl-----------   25 - 28 Co


Calendar



תמוז - אב ה'תש"ע


יולי 2010
ראשוןשנישלישירביעיחמישיששישבת
        1
י"ט תמוז

2
כ' תמוז

3
כ"א תמוז

4
כ"ב תמוז

5
כ"ג תמוז

6
כ"ד תמוז

7
כ"ה תמוז

8
כ"ו תמוז

9
כ"ז תמוז

10
כ"ח תמוז

11
כ"ט תמוז

12
א' אב

13
ב' אב

14
ג' אב

15
ד' אב

16
ה' אב

17
ו' אב

18
ז' אב

19
ח' אב

20
ט' אב
תענית
21
י' אב

22
י"א אב

23
י"ב אב

24
י"ג אב

25
י"ד אב

26
ט"ו אב

27
ט"ז אב

28
י"ז אב

29
י"ח אב

30
י"ט אב

31
כ' אב

   




Kishurim

HAKHOKHMA
Megazine  

  
HAKHOKHMA facebook 
 
Sport Live

Benei Menashe SKYPE

Radio HAKHOKHMA 

 HAKHOKHMA
Album 
 
   
MIZORAM

xxx:  yehudith hmar  18th july 2010 

                Tank lorry chesual ah

               Ni 15th July 2010 chawhnu dar 2:00 vel khan Tank lorry AS-01 N-2665 chu Khamrang bulah kawngthlangah a lum a, tanker a chuang Ram Pravesh Mahto, Muzaffarpur, Bihar  chu a hliam tuar lo in a tuk ni 16th july khan Presbyterrian hospital ah a boral.

             He tank lorry hi diesel phur ani a, truck dangnen an inpelh na lamah a chesual ta ani.

xxx:-  Yehudith Hmar 

Hmeithai thattu pakhat zawk man: 

        July 10, sabath ni a lawngtlai district a lungzarhtum khuaa hmeithai pakhat, Menthai(55) thattu Lalthawmliana (38) S/o Bualtuma (L), Cheural, Lawngtlai district chu July 15 khan man ani a. Lawngtlai police kutah hlan ani,July 15 zan khan Lunglei police station ah lak nghal ani.

          Lalthawmliana hi a thianpa Lalhmingthanga Belhar Burma nen Lungzarhtum ah hian an zin a, thawmliana hi Menthai-i te chhung ani a, a tuka Menthai feh tur chu an ni thiandun hian an zui ru a, thlam thlanga a kal lai in thawmliana hian thingin a vaw thlua tin lalhmingthanga hian chemin a hrawkah a zai bawk ani.

        Menthai thih hnu hian an ni thiandun hian menthai chu an pawl zui nghal a, a pawisa neih Rs 30,000 chu an lak sak in an tlanbo zui ta nghal ani. Thawmliana te thiandun hi police leh young Lai Association ho in an zawng nghal a, ni 15 july khan Lawngtlai council vengah YLA ten man in Police kutah an hlan nghal ani.

           Menthai pawisa an lak sak hi an insem a, Lalhmingthangan Rs 20000 changin ani Thawmliana hian Rs 10000 a chang ve thung ani tiin Thawmliana hian a sawi ani.

*** Yehudit Hmar - 9.7.2010

    Aizawl Traffic Police-te chuan Bazar Bungkawn Sakawrpului (Electric Veng) via New Market chhuk zawnga two wheeler kal thin chu, July 7 atang khan zing dar 8 - 11 inkar leh, tlai dar 3 - 5:30 inkarah kal an phal tawh dawn lo. Hei hi enchhinna ani ang.


 

*** SP CID Crime hnuaia Special Narcotic PS Staff-te chuan tunkar khan Venghlui -ah Ephedrine kg.6 leh gram 600 an man a, a neitu, Lalengliana (35) Venghlui nia insawi pawh manin , thubuai an siamsak nghal bawk. Ephedrine an man hi RS.3,70,000 man vel a ni.


*** Health and Family Welfare Minister Lalrinliana Sailo chuan Yom Revii (23/6) khan I&PR Conference Hall-ah Mizoram State Tobacco Control Society  (MSTCS) buatsaih Smoke Free Mizoram website "www.smokefreemizoram.nic.in" a hawng.

*** Tunalai a India ram chuan Chhiarpui a beih meknaa Mizoram mipui tam takte chuan hei hi Sakawlh chhinchhiahna a ni an tih avangin an tel ve duh lova, heng tel duh lo mipuite hi Kohhran mipui hrang hrangte an ni hlawm a, heng zingah hian Lalzawna pawlte an tam ber a, anni bakah hian kohhran bik pawh nei lem lo Zelthel Kohhran tia an sawi thinte leh Ephraim Israel intite an ni. Heng mipuite hi Chhiarpuia an tel duh loh avangin danin a phal angin Job Card, Voter Indentity Card leh Ration Card-te VCP hnena  thehlut vek turin an hriattir a. Amaherawh chu Chhiarpuia an tel duh dawn erawh chuan pek let leh an tiam bawk.


 Naupang chil-hlum

(Yonathan David - 22.4.2010)

   April ni 21/2010 zing dar 7:00 khan Aizawl atanga Tank Lorry ruaka tlan chuan Thingdawl Hmar veng (Dinthar) , Kolasib hnaih lama mi hmeichhe naupang ahming Malsawmtluangi (kum 2 leh thla 10) d/o Lalngaihzuala chu a chilhlum a, Thingdawl atanga thu dawn anin a sawi danin Malsawmtluangi leh a pa hian nilum an ai dun a, kawng sira an awm lai chu Lalbiakliana Filing Station tih inziak Tank Lorry, hnam dang khalh chuan a chil a, a ke hmain tai thawiin ake hnungin a chil ta a, a hmunah hian ka pawh chhawn lohvin a thi nghal a ni.


 Thlipui tleh

(Yonathan David - 22.4.2010)

  April ni 20 zinglam dar 3 vela thlipui, Rial leh Ruahpui thawk chuan Phuaibuang khuaah in 30 lai a tichhia a, Darlawnah in engemaw zat a tichhe bawk, heng Phuaibuang khua a in 30 a tihchhiat zingah hian luah tlak lohva chhia in 3 a awm a, heng inte hi Pu B.Ramhluna, Pi Malsawmi in leh Pi Lalsangtlingi te in a ni.


 

  Malaria Zoram hmelma kum hlui Report

(Itzkhak Colney-4.2.2010)

    Mizoram State Vector Borne Diseases Control Programme (MSVBDCP) in  kum 2009 chhunga report a hmuh atangin, thisen exam mi 171793 zingah mi 9399 an positive a, mi 119 lai Malaria vangin an boral. Malaria vanga thi te hi naupang kum 1-64 kara mi an ni hlawm a, mipa 79 leh hmeichhia 40 an ni. Malaria vanga thih chhan zirchianna atang chuan khawsik neite inenkawl har vang ani tlangpui a, inenkawl tura damdawiin emaw mahni venga thisen test tir an nih meuh chuan an taksaah harsatna lian tak alo awm tawh a, atlangpuiin PF thluaka lut chi leh kal (kidney) Malaria hrikin a tihchhiat avangin an thi deuh ber a ni.


 

   CYMA President hlui Pu Lalnuntluanga kan chan ta

(y.d - 26.11.2009)

    Kan hnam tana mi tangkai tak ni thin,  engkimah pawh atul anga min lo buaipui tawh thintu Pi Zaithanchhungi pasal L.N Tlunanga chu ni 23.11.2009 zinglam dar 02:45 khan Civil Hospital Aizawlah a boral a, aruang hi atukah  electric veng Presbyterian kohhran bialtu Rev.Dr.C Chawnghminglian'an an chenna Hope Lodge-ah avui liam ta a ni. Mitthi chhungte kan tuarpui em em laiin, amah Pu Tluanga ngei pawh tha taka avan hmun a thlen ngei hi keini Tsevet 'Hakhokhma' te chuan kan duhpui em em a ni. 

    


Tripura Congress hruaitu khah an kap hlum.(29/11/09)

             Thawhlehni (yom sheni 24/11/09) zan khan Tripura-a Youth Congress vice president Mantu Das chu  Agartala-a chenna inah kahhlum a nih thu police tan an asawi.   West Tripura district police hotu, KV Sreekesh chuan Mantu Das chuan, “Thawhlehni zan, zanlai vel khanralthuam keng misualte chu Mantu Das inah hian lutin, hnai tak atangin an kaphlum a ni. Das-a thianpa pakhat, pawhin hliam a tuar a, a ni hi damdawi-inah dah luh a ni a, a dinhmun a tha lo hle” tiin a sawi.
 Mantu Das unaupa hian FIR a thehlut nghal a, a FIR thehluh behchhhan hian Das-a nupui chu man a ni tawh a, midang hming a tarlan pakhat erawh chu a chin hriat lohin a lo bibo hman a ni. Police-te chuan thualthahna hmunah hian revolver pakhat an man bawk a ni.


 

Zanlam a bike intkansiak te man tum.

       Mizaram traffic police te chuan Aizawl khaw chhung a zan a bike a intlansiak thinte chu man tumin beihpui a thlak dawn.Heng bike tlanchak vang a an mante chu Rs,1,000 chawitir zel an tum bawk a ni.

        Tin, ZU rui emaw ZU rim nam emaw a chuang  bike khalh  man an nih chuan dan ang a thubuai siamsak nghal tur a  rel a ni bawk.


Manipurah helho in Sipai 5 an kaphlum.

        Thawtanni (yom sheni)khan helpawl  Unitd National Liberation Front (UNLF)in ti te chuan AR patrol kal chu lo changin an lo kap chiam mai a,He inkahna ah hian Ar sipai te chu 5 lai thi a ni,Helpawlten hetiang a AR sipai an lo kah a vang hian AssamRifle te chuan Helpawhte man tur hian Beihpui a chhuah a ni.Hel ho in Ar an kahna ah hian  Major leh Captain pawh kahhlum an ni.


khawthlangah chenna in 300 chuang hal a ni. 

        mizoram khawthlang mamit district-ah Tuikuk chenna khaw hrang hrangah chena  in 300 chuang hal a ni. He buaina lo chhuah chhan hi Bru Revolutionary Union (BRU) nia inchhalte’n November 13-a Bungthuam tlangval, Zarzokima (18) an thah nghawng kalzel a ni.        Yom Shishi leh Shabat nia Mamit district-a Tuikuk chenna hmun hrang hranga thil thleng chungchangah Home Minister chuan Yom Rishon chawhnu khan press conference a ko a, sorkarin he buaina thleng tur ven a tum dan leh, buaina chhuah dan kimchang sawina a nei a. R Lalzirliana chuan, Police department-in an hriat chinah chenna in 313 hal a nih thu a  sawi a, heng zinga 43 hi Mizo chenna in niin a dang zawng hi Tuikuk in a ni. Chenna nei ta lote hi Mizoram Police venhimna belin Police camp-ah an tlan khawm a, a then Tripura lamah tlanchhiain, eng emaw zat chu Mission Compound hrang hrangah an tlan lut bawk a, missionary-te chenna inah leh Knesiot (Biak-in) ahte an riak. Mizoram sorkar chuan heng mite tan hian buhfai leh silpauline leh tanpuina dangte a pe nghal a ni.
Rihdil kal haw zirlai Bus chesual (yd)  (sr)    Pine Mount School Aizawl Rihdil kal haw chuanna Bus Khawzawl bulah a chesual a, zirlai 1 a thi a, engemawzatin hliam an tuar. Pine Mount School a Geography Department Pawl 12 zirlai Field Trip a kalte chuan Rihdil an tlawh a, an rawn haw lam chuan Khawzawl atanga 9 Km vela a hla Khuailui bulah Bus pahnih zinga hmeichhe naupang chuanna zawk City Ride Bus MZ 01 4487, Pu Hrangdailova, Armed veng South ami motor chu kawngthlangah a tlanliam ta ani. Soni Biakhmingsangi D/o. Zorambuaia Cheural, Lawngtlai Dist ami, tuna Aizawl Tuikual venga khawsa chu Khawzawl Damdawiin panpui anih laiin a boral. Bus ah hian mi 15 an chuang a, Hliamte chu Khawzawl damdawiin panpui an ni.


Tlawnglui fintu Serlui tur-in an hrai.  (Sr)
November 2 thawhtan ni khan Aizawl tui lakna tlawng tui an pump na hnar Serlui chu mi tuten emaw luituia rannung awm an hrai chiam mai. Lui  a rannung awm ten nasa tak a an tuar mai bakah PHE tui ring a awm Aizawl  mipui te ati buai hle a ni.PHE chuan Aizawl mipui te tan a tui a pump khawlsa Tuikhuahtlanga Tanky leh hmun dang Tanky eng emaw zat chu a paih leh vek a ni. Hei vang hian Aizawl khawpuiah ni hnih/thum vel chu tui a harsat phah dawn tih PHE hotute chuan an sawi.

Mizoram police man foreigner 6 Court-in a chhuah.Man nawn leh. (Sr)  Tun hnai khan Mizoram police te chuan foreigner Chinese-burma atanga rawn tlathla paruk (6) dan kalh a sumdawng (smuggling) lam a in hnamhnawih nia rin avang leh dan lo ang a Mizoram an lo luh avangin an man a. October 28 khan Court-ah kal pui ni in,Court chuan Rs 50 chawi tir in, intiamkamna pawh awm lem lovin an lo chhuah tir leh mai a. Hemi ni tlai dar 6:20pm  vek hian mizoram police te chuan an man nawn leh nghal a ni. Heng mite zinga pathumte hi chuan india visa nei a lo lut an ni a, amaherawh chu Mizoram luh theihna Special Permit an nei lo a ni.pathum dangte erawh hi chu Tiau atang a Mizoram rawn lut an ni thung. He tiang a court-in heng foreigner's dan lo anga Mizoram lo lutte awlsam taka a lo chhuah mai hi  Police officer te zing a pakhat chuan mak a tih thu a sawi.
MIZORAM BUDGET THAR BER (i)Mizoram Budget Cheng vaibelchhe 3,687.39 Chhiah thar la dawn lo, NLUP ngai pawimawh Sorkar ding lai hnuaia Mizoram Annual Budget hmasa ber tur chu 15/10/2009 khan Assembly House-ah finance changtu, chief minister Lal Thanhawla chuan a pharh a, 2009-10 chhunga Mizoram budget chu cheng vaibelchhe 3,687.39 a ni. Budget pharhtu chuan 2009-10 chhungin chhiah thar lak a ni dawn lo tih a sawi a, NLUP ngai pawimawh anih tur thu a sawi bawk. 2009-10 chhung atana Mizoram budget tur zawng zawng (Consolidated Fund - sum hmuh tur zawng zawng) chu cheng vaibelchhe 3687.39 a ni a, cheng vaibelchhe 2,211.31 chu non plan-ah dah a ni a, plan-ah Rs 1,476.08 a ni. Mizoram sorkarin chhiah a lak meknate chu hlawk zawka kalpui tum a nih thu a sawi bawk.

Chhiah lak meknate sawiin, 2005-06 anga an VAT chu chhiah hmuh that berna a nih thu a sawi a, 2009-10-ah pawh VAT chu sum hnar liana hman tum a nih thu sawiin, chumi atan chuan taxation deptt. pawh thuam that a nih tur thu a sawi.    Chhiah lak mekna dang - land revenue pawh hlawk zawka kalpui a nih theih nan land revenue & settlement deptt. thuam that a nih tur thu a sawi, chuta tan chuan record reng reng computer hmanga tih tum a nih thu a sawi a ni.

   Mizoramah zu khap bur a nih avangin state dang aiin Mizoramin excise tax a hmu tha tih sawiin, excise tax-ah tanlak a nih tur thu budget pharhtu chuan a sawi.

   Budget thar hnuaiah New Land Use Policy (NULP) ngaih pawimawh a nih tur sawiin, NLUP chu thingtlang mite dinhmun siamhatna tur niin a sawi a, loneih dan hlawk lo tak jhum practices bansana hmasawnna ngelnghet an neih theihna tur leh an sum leh pai dinhmun siamhatna tur niin a sawi bawk.

      Budget pharhtu chief minister Lal Thanhawla chuan NLUP hi 2009-10 atanga awm tur a nih thu sawiin, kum 5 chhungin chhungkaw nuai 1.2 dinhmun chawikan tum a nih thu a sawi. NLUP hmang hian agriculture lama hmasawnna - 'second green revolution' thlen tum a nih thu a sawi nghe nghe. NLUP sumah hian cheng vaibelchhe 1,200 chu chhungkaw tinzawna hman tur a nih thu leh cheng vaibelchhe 1,250 chu hmanraw leina, inzirtirna leh a buaipuina hrang hrang atana hman a nih tur thu a sawi.

     Budget thara thil langsar tak pakhat chu MLA's Area Development Fund, MLA bial 1 tan cheng nuai 15 aanga cheng nuai 25-a tihpun hi a ni awm e. 6th Pay Commission rawtna zulzuia sorkar hnathawkte hlawh pek an nih tur thu a sawi bawk.

     Tarlan tawh angin budget hi sorkar ding lai hnuaia 'full budget' (budget pangngai) hmasa ber a ni a.Budget bu-a a lan dan chuan, Account hrang hranga sum hmuh leh hman tur chhut khawm hnuah 2009-10 Budget bik chu ‘Surplus Budget’ a ni a, surplus Rs. 13.00 crore awm tura tarlan a ni. Mahse, 2008-09 kum tawpa deficit Rs 70.45 crore lo awm tawh vangin, 2009-10 kum tawpa sum indaih lohna (deficit) ni tur erawh chu Rs. 57.45 crore nia tarlan a ni.

    Budget Session hi 15/10/2009 chawhma dar 10:30-ah tan a ni a, MLA hlui Vanlalngena leh Andhra Pradesh chief minister a nih laia thi YSR Reddy te sunna hun hman a ni. Chumi hnu-ah chief minister, finance changtuin budget a pharh a,  Budget Session hi October ni 29 thlenga neih tura ruahman a ni.


Lawng accident (y)

India rama Bihar state a lui pakhatah lawng mi 50 chuang phur chu lena atan buai avangin a let a, mi 17 lai an thi.


City Ride Accident-ah mi 3 thi (i)

Salvation Army thalaiin Champhai inkhawmpuina a kal te chu, an lo tum lawk angin Rihdil tlawh an tum a . Yom Revi'i (30 Sept)  khan Rihdil pana an kal chu, Zokhawthar pelh (Burma ram chhung lui pakhat) an tlan laiin Sakawr thil phur nen an in tawh sual avangin an chesual ta a ni. He motor-ah hian mi 30 vel an chuang a, mi 3 an thi tawh a, hliam te phur tur hian Champhai atangin Ambulance tirh a ni.(He chanchinthar information kan hmuh lai hian thu hriatbelh a ni rih lo).
Mizoram 4-na an ni ve em ni!!(i)

India Today-in kum 2009-a Agriculture, Environment, Primary Education, Infrastructure leh Consumer Market chungchanga tehna hrang hrangah State ti thate a thlang chhuak a, Mizoram chu Hmarchhak State zinga a ti tha ber palina a ni ve. India Today hian State hrang hrangte chu a lian leh a tein a then hrang a,  State lianah States sawhnih awmin, A te-ah sawm an awm a, tehnaah hian State te zingah Delhi chu pakhat niin, Meghalaya a hniam ber a ni. Tehna hrang hranga India Today tehnaah hian Mizoram chu Agriculture lam hmasawnnaah Parukna a ni a, Vantlang Hriselna lamah Pathumnaa, Environment hmasawnna tur a theihtawp chhuahna kawngah Pariatna, Children Education hmasawnnaah Pathumna, Infrastructure lam hmasawn dan tehnaah Pathumna, Economics than dan tehnaah Pahnihna, Consumer Market-ah palina a ni. India Today hian State te leh liante dinhmun teh nan hian tehkhawng hran ve ve a hmang a, State te zinga sawmte chu hetiang hian an indawt a; Delhi, Puducherry, Goa, Mizoram, Sikkim, Arunachal Pradesh, Nagaland, Manipur, Tripura leh Meghalaya-te an ni.


Fate Video Film thalo  lakah an him em? Kum tlinglo fa neite tan  (i)

  Tunlaiin Information technology-ah kan sâng ta em em mai a. A tlangpuiin mi tinin computer (PC etc.) neih kan intihhmuh a, tangkai taka hmang lem lote pawhin Games khelh nan leh naupang lengchhuak venna chhuanlamin kan nei ta sup sup mai. Internet pawh kan hmelhriat chho tanin tlawm zawk leh man man zawkin kan hmang tan thei ta a. Porn sites leh website tha lo te a hluarin awlsam takin, leh tum loh deuh pawha luh mai theihin a awm ta hel hûl mai le. Hengah hian mi tin, a bik takin nu leh pate kan fate tan kan fimkhur a pawimawh ta hle a ni.         A bikin naupang kum tlinglo te’n hetiang lam thlalak (still image) leh movie ang chi an en nasat hian an rilru ah rah tha lo a tuh nasa thei hle tih chu kan hriat vek kha.Chuvangin an en theih loh tawp tura kan venpui leh kan fimkhur hi nu leh pate, rual û zawkte mawhphurhna a ni. Kan computer te kan check fo tur a ni. Dawr thenkhat atang phei chuan thlalak (still image) tha lo pui pui i hard disk ah khan an rawn thun tel sak fo a nia. Heng hi hrilh ngai lovin an hai chhuak zung zung thiam a ni. Computer i lei sak hnu khan enpui fo rawh, duhtawk mai suh. Kan thil hmuh leh kan hriatte hian SUAL lamah min hruai avangin hmuh tam lohtir hi thil sâwt tak a ni tih kan hre tur a ni.          Naupang tê tê mah nise engkim an hre vek tih hriat tur a ni a. Heng video te hi nu leh paten an duh lo a ni tih hriain an thukru thiamin puitling nazawng hian an hmuh chhuah sak mai mai thei lova. A awm ang tih ngaihna pawh an rinhlelh loh turin an dah thukru thin tih hriat tur a ni. Hetiang video ang chi i computer-a awm i zawn chhuah duh chuan a hnuai amite hi i ti mai dawn nia, hun pawh I sên ve deuh a ngai ngei ang. Chuan chung chu I hmuchhuak a nih chuan i DELETE zawh fel hnuah Recycle Bin hi i EMPTY hmaih miah tur a ni  bawk, emaw SHIFT Key hmet chunga delete mai a tha bawk.         A hmasa berah chuan Programe pakhat lâr tak, folder lock, folder hide, folder access etc. an thun (installed) anih chuan hetiang lam video hi an dah tih a rinhlelhawm phawt mai. Chutiang an thun leh thun lo hi hriat duh chuan Start >> Programs hnuaia program in-thun te en kim thlip thlap la, paih (Control panel >> Add & Remove atangin) vek ang che. Mahse hemi paih nan hian password an hmang ngêi thin tih hria ang che, a thuntu hnen atangin zawt mai la.] Heng lak a tang a thatak a ifihlim duh tak tak a nih chuan Computer hi khawih harsa a ni lova, Tumah hmusit zawng lam hawi ni lovin, Ziak leh chhiarthiam tan chuan awlsam tak a man theih zung zung a ni, Chuvang chuan I faten eng ang chen in nge Computer an ngainat leh enge an khawih thin tha tak a chik a, thatak a I enkawl zawk duh a nih chuan Tlem a zawng tal zir ngei ngei ang che, computer hi khawvel siam thatna a nih rual rual hian Nun tih chhiatna a ni tih hriatreng tur, a bik tak in Internet hi!.

 


 Aizawl City Bus & Taxi Shvita ®

Aizawl khawpui chhunga taxi-ho sept/14 atanga intlan chhawk tura tih vangin ni Yom Shlishi (15.9.2009) nileng khan Aizawl khawpuiah taxi pu ten Shvita an tih avangin tlan hmuhtur a awm lova, sorkar erawh chuan an ruahmanna zawm turin a ti thung ani. Sorkar a tawlh duh loh avangin Yom Revii (15/9) atangin tiamchin awm loin city bus pawh an service dawn lo bawk a, hei vang hian sorkar chuan ruahmanna siamin, department bus a service tir dawn a ni. Taxi intlan chhawk tura Mizoram sorkarin ruahmanna a siam, chawlhkar khata ni hnih zel tlan lo tura taxi zawng zawng group thuma a then chu zoram Taxi Drivers Association (ZTDA) chuan an duh lo a, intlan chhawkna tura pawimawh, sticker pawh an la duh lo. Taxi neitu lam, Zoram Taxi Owners’ Association (ZTOA) erawh chuan zawmin, sticker pawh eng emaw zat an pechhuak tawh thung.

 


 India leh Pakistan an inkap ®Pakistan sipaite chuan ni 13.9.2009 zan zanlai vel khan India sipaite rocket hmangin an bei a, tum hnih ngawt rocket an kapchhuak a, hei hian Punjab thingtlang khawdaiah khawih chhiat a nei nual niin an sawi. Thla hnih chhunga India an kah tum hnihna a nih tak avangin India pawhin a vawikhatna atan machine gun hmangin Pakistan sipaite hi an chhanglet ve at at mai.

 


Zan vak misualin MAP duty vit ®Yom Sheni (14/08/09) zing dar 10:15 vel khan Secretariat building hlui, Treasury Square-a zan duty 1st Bn.MAP constable Lalnunzira (25) chu mi pakhat zan vakin a vit a, damdawi inah dah luh nghal niin a vittu hi police ten an man nghal bawk. Lalnunzira vittu hi Lalkrosthanga (31) s/o Kapmawia (L), Khawlailung khawchhuak, tuna Upper Khatla-a khawsa nia insawi a ni a. Zana Treasury Square vela a tei a tei chu MAP duty hian enge a tih a zawt a, a ni hian chemte in a vit ta mai niin thudawn a ni. A bulhnaia MAP duty leh mi thenkhat lo awm ten an man a, police kutah an hlan nghal a ni. Lalkrosthanga hi zu a rui niin police te chuan an sawi a, amah hi rilru buai chang nei nia sawi a ni bawk. Lalnunzira hi a awm leh a dul hmun 5 velah a vit a, a hliam hi a na angreng a, a nunna atana hlauhawm erawh a nih a rinawm loh niin thudawn a ni.

 


Bangladesh leh Mizoram in sum dawn tawn dawn  ®Tunhnaia India leh Bangladesh-in foreign minister level-a inbiakna an neihna ah chuan Mizoram leh Bangladesh insumdawn tawnna Demagiri-Thegamukh hawn leh a remti niin Bangladesh chanchinbu lar tak 'The Daily Star' chuan a sawi.

 

 


Shapaat Khazirim (Vawk hri) Sorkar thu angin Health department leh AH & Vety department hotute chuan H1N1(Vawk Hri) chungchangah kar hmasa lam khan I&PR Conference Hall-all thuthar lakhawmtute an kawm a. Health Director chuan, kar khat chhung vel chu ram pawn atanga Lengpui airport-a lo thlengte chhinchhiah an ni tawh a, kar hmasa atang khan doctor pakhat leh nurse pahnih dah an nih tak thu a sawi a, hetih rual hian, H1N1 chungchangah hian Mizoramah complaint an la dawn loh thu a sawi bawk.  Dr Pallai sawi danin, Health department chuan tunah hian H1N1 vei enkawlna damdawi, Tamiflu an tih chu mum 2,000 an nei tawh a, naupang tan bika ei chi bur 50 nei tawhin, H1N1 vei an awm palh pawha enkawlna tur bik, Referral Hospital-ah khum 10 awmna ward siam a ni tawh a; damdawi-in lama thawkte tan surgical mask an tih (Hmai kawr), a bik taka siam, N-95 an tih pawh sorkar laipui atangin eng emaw zat an dawng dawn a ni. Shapaat Hakhazirim chungchang enkawl bik tur hian sorkar chuan ruahmanna siamin, Dr Lalrinsanga Khiangte, Dr Lalhmingmawn leh Dr Lalchhuankimi te a ruat a, thupuangtu atan Dr Pachuau Lalmalsawma ruat a ni bawk. Mizoramah H1N1 vei nia rinhlelh an awm chuan, an khak laksakin, darkar 28 chhungin test tur ani a, test-na tur hi Mizoramah a awm loh avangin, Kolkata-ah thawn nghal zel tur a ni. AH&Vety Jt. Director, Dr LB Saito chuan Swine flu chunghang sawiin, Swine flu ang hri hi kum 80-100 danah khawvelah a thlen thin thu a sawi a; kum 1918 vel khan a lo Iang vak tawh a, mi maktaduai chuangin an thih phah tawh tih a sawi rualin, Vety lam bikah chuan vaccine siam chhuah tawh a nih tawh thu a sawi.      Hospital & Medical Education Director, Dr Baruah pawhin, H1N1 chu taksa a natna dotu nei chau tawh, thisen sang, zunthlum  leh hrisel tha tawk lote’n an kai awlsam thu leh, mi hrisel pangngai tan a hlawuhawm lutuk loh thu a sawi bawk. H1N1 lan chhuah dan tlangpui chu khawsik sang thut te, tihrawl leh ruh na, khuh ro, hrawk na leh thil lem zawnga nuam lo te a ni a. Health department hotute chuan a vei nia rinhlehte chu hnaih loh tura mipui an ngen rualin, lo kai palh leh inringhlel an awm pawhin mi zinga awm lo turin an chah a, hritlangte chu a theih chuan hmai tuamna (masekha) vuah turin an ngen.  HINI vang hian kar hmasa lam khan India ramah mi pathum. (Pune, Thane leh Mumbai-ah mi pakhat theuh) an thi leh a, Yom Sheni khan mi pahnih an lo thi tawh bawk, heti hian H1N1 vanga India rama thi tawh zat chu. 10 an tling tawh a ni. Dr Pachuau Lalmalsawma’n report a pek danin, Vawk hri  hi khawvel ram 168-ah hmuh a ni tawh a, tun tuma a darh hnu hian mi 1,62,380-in kai tawhin, chung zinga mi 1154 an thi tawh a; tunah hian he hri hian a thlen sang zawng tehnaa Phase 5-6 A a awm bawk. A kai zat atanga thi zat hi khawvelah 0.7% a nih laiin, India ramah chuan 0.9% a ni thung. Tin, tun kar khan Mizoramah pawh he Shapaat Khazirim (Vawk hri) hi mi 2 in an vei tih hmuhchhuah a ni a, an zinga mi pakhat zawk hi Lengpui Airport hmuna Meavteakh (Security) hna thawk lai a ni nghe nghe a, engtia he hmun atanga lo vei chhuak nge tih chu chhuichiang turin Sorkar mipui ten an ngen bawk. Tin, hetia hriin Mizoram a den ve tan takah chuan mipuite an chiaiin an phawklek hle a, Test na tur indaih lo khawpin nitin mipuite an in checkup tir thin a, Briut(Health) lam thu nei tuten aduh apiang tan in test tur a ni hran lova, rinhlelh kai te tan chauh apawimawh thu uar takin an sawi bawk.
WORLD RECORD OF Vawk hri CASE
Thla     Ram     Vei zat    Thi zat
May         11        265         10
Jun     62   17,410    115
July     120    77,201    332
August       168          1,62,380         1,154
Eiru man ani a, ani vekah chhuah a ni
Animal Husbandry & Veterinary department Director, Dr C.Sangnghina Durtlang khua chu kar hmasa Shabat ni khan Eiru a puh niin a chenna in  ACB ten an dap saka amah pawh man a ni nghal a, man a nih ni vek hian Magistrate-in interim bail a phalsak angin chhuah leh nghal a ni a. Vety chungchangah hian PRISM chuan CAG Report leh RTI hmanga an thil hriatte behchhanin February 17, 2009 khan ACB-ah FIR an thehlut a. Report-a an tarlan danin, Vety department chu kum 1999-2000 leh 2000-2001 financial year-ah khan sorkar laipui atangin Regional Broiler Chick Farm, Tanhril leh Poultry Farm dinna turin cheng nuai 45 ve ve, avaiin cheng nuai 90 tanpuina pek a ni a; pawisa hi cheng nuai 75 chauh an la hmang a, cheng nuai 15 chu chin hriat lohin a awm tak avanga he thu hi in irh chhuak tan a ni.

 


~Truck chesual-ah 5 hliam

Yom Sheni (Thawhtan) 10/8/2009 zing dar 5:00 vel khan Zemabawk-a CWC peng bulah 709 truck MZ-04 2638 chu kawngthlangah tlanliamin feet 300-400 vel a lum a, truck khalhtu Biaksanga s/o C. Lallawmzuala, Zokhawthar telin mi chuang dang 4 te chuan hliam an tuar vek a, Aizawl Civil Hospital-ah dahluh an ni. Motor hi Zokhawthar atanga Aizawl raven pan a ni a, apple leh sarang a phur niin Bawngkawn Police te chuan an sawi a, a lumnaah hian motor hi a chhe hle niin an sawi bawk.


~Hel Paltlang thin Vairengte-in IR ngen

Vairengte MZP Sub qrs. Chuan an khuaa 5th IRBattalion dah turin Mizoram sawrkar an ngen a. Dah a tulna chhan an sawi zingah
Inter state border area-a awm an nih avangin hel sipai (underground army) ten kal tlang nana an hman fo avangte leh zin kawnga insuamna a awm thin avangte-in 5th IR hi dah  nise anti a. Vairengte MZP te hian Shabat hmasa khan thuthar thehdarhtute an kawm a. 5th IR Bn. hmun tur atan Vairengte an dil bakah hian Sub-Divisional Police Officer post nghet dah thuai tur te, SDO (Civil) office-ah staff dah belh tur leh Community Health Centre-a doctor dah belh rur te in sawrkar an ngen tih an sawi a ni.


~ Motor ruk chingte man an ni

 India hmarchhaka motor ruk leh hralhchhawn chungchanga an hotunu pakhat nia police lamin an sawi Bishnu Thapa (35), Kolasib-a khawsa nia insawi chu August 7 khan Aizawl-ah Bawngkawn police leh Silchar police tangkawp ten an man a, a thubuai neihna hnuhnungber hi Silchar a nih avangin Silchar police te hian an la thla nghal a ni. August 2 khan Silchar police te hian Circuit House Road, Silchar-all ruk nia hriat Bolero pakhat leh he thila inhnamhnawih nia lang mi 7 te an ni a, an zinga mi 4 hi Mizoram mi an ni nghe nghe .Heng mite an hotunu ber nia. an sawi Bishnu Chhetri , Bishnu Thapa chu  Silchar-a a thlenna hotel an dapnaah a lo bibo hman a, Mizoram lamah rawn zawng chho zelin kar kalta Zirtawpni khan Chaltlang atangin Bawngkawn police te puihna in an man a. Silchar police te sawidanin Bishnu Thapa hi Kolasib-a cheng nghet niin, car ruk leh hralh chhawng leh thin zingah hian a hotute zinga tel nia sawi a ni a, India hmar chhak mai bakah, Nepal leh Bhutan thlengin an  inthlunzawm niin police te hian an sawi. Silchar police ten an man Mizoram mite hi anmahni leh an chenna nia an sawite hi a dik ngei tih Mizoram police te pawhin an finfiah tawh a, Bishnu Thapa pawh hian Mizoram police te hnuaiah pawh thubuai tenau a nei nual tawh a, vawihnih ngawt man pawh a lo tawk tawh nghe nghe niin thudawn a ni. Silchar-a Bolero an man hian Mizoram registration a nei a, amaherawh chu he number MZ-01E 4381 W Aizawl District Transport Office lam chuan tuma hnenah an la pechhuak lo niin an sawi a. Hemi hnu lam number ho-pawh hi pechhuak tawh mahse, hemi number kher hi chu hmangtu an la awm lo, an ti thung. Mizorama motor registration hi internet atanga hmuh mai theiha a awm avangin number lak tawh leh lak loh hi a hmuh theih vek a, number lak loh hi heng mite pawh hian awlsam takin an hmu mai thei nia an ngaih thudawnna pakhat chuan a sawi a. Document paper siamchawpin checkgate pawh an paltlang thei mai thin nia hriat a ni.


Hri Chimawm Shapaat Hakhazirim ;  

 Tunkar tir lam khan 'Puria' Damdawiin Tiberia ami ah, nausen Ni 51 mi chuan he hri hi vei vein  a lut ve  a, hei hi Israela Nausen vei hmasa ber niin, tin, Yom Revii khan Costa Rika ram President.Oskar Aries chuan he hri hi akai ve bawk a, ani hi Ram khat hruaitu te zinga kai/vei hmasa ber ani ve bawk, mitinte i fimkhur theihtawp ang u.


Swine Flu thunawi:  Swine Flu (Vawk hri) hi Mizorama a lo luh thawm kan la hrelo na a, Aizawl sa zawrhna abikin Vawksa zawrhna hmun chu tunlai hian a lun lo hle a, sa zuartute pawh nileng lengin an in kawibah thin ani awm e.
Tualthat tu inawk hlum :Kar kalta Shabat   zing a an thenawmnu Ngurchhingpuii (42) sattu Lalbiakngheta (26) S/o. Hauhnuna, Mission Vengthlang chu Aug. 10 chawhnu dar 2 vel khan inawkhluma hmuh a ni. Lalbiakngheta hian Shabat zing dar 6:30 vel khan an thenawma Haukima (MRP Constable) nupui Ngurchhingpuii chu a pasal len chhuah lawk hlana luhchilhin chempuiin a sat a, a kut zungpui pakhat a sah bun bakah a kutphah dinglam tha a chhat a, a lu hmun 9 velah a kak bawk.
Typhoon Morakot Taiwan-ah:Taiwan-a thlipui na tak, Typhoon Morakot-in a nuai bo ni-a sawi, mi 700 vel chu nung dama chhanchhuah an ni. Taiwan Central News Agency sawi danin, tuna an hmuh chhuah zinga mi 200 te hi Hsialin khuaa mite an ni a, tun thleng hian he khuaa cheng mi 100 vel zet chu an awmna chin hriat lohin an la bo mek niin a sawi bawk. Taiwan-a he thlipui tleh avang hian mi 60 vel an thi nia hriat a ni a, lo neitute buh leh thlai chin, dollar maktaduai 225 hu a chhiat bakah mihring chenna in 30,000 vel, eng nei lovin a awm a, in 7,50,000 velin tui thianghlim an tlachham bawk a ni. Taiwan thenawm, China pawhin he thlipui hi a tuar hle a, mi 8 an thih bakah, mi maktaduai 1 leh nuai 5 vel, an chenna hmun atanga suan chhuah an ni a, in 10,000 vel a chhe bawk a ni. Taiwan President, Ma Ying-jeou chuan he vanduaina-in a khawih nat zual bialte hi a tlawh thuai dawn a, mi mangangte tanpui an nih dante a enpui dawn a ni.

 


 
~Nawrh(Strike) tum

India lam economics harsatna kal zel avangin private airlines te chuan Govt. of India a oil man tamzawk bat theih ngiatin August ni 18 ah hian Hafgana(strike) an tum. He strike avanga mipuiin harsatna an tawhlohna turin Aviatiion Ministry chuan nasa takin hma a la.


~Ruang phum tawh phawrh leh

"Samuela, Ramhlun Sports Complex Aizawl a cheng mobile phone 2 rua puh a nih avanga sawisak hlum nia hriat chu a pa in Magistratea  a ngenna angin a ruang phum tawh hnu chu post mortem tura phawrh leh a nia. A lung leh a thin enchian hnuah phum leh a ni. Hemi chungchanga kutthlak tua puh Ramhlun veng VDP hruaitu te chu police ten an man a, nili central jaila an awm hnuah baila chhuah tir an ni. Mobile phone neitu te erawh chu tun thlengin central jailah an la tang a. VDP leh mipui vantlang te hmuh lohva Shamuela dimlo taka an dawp lai lo hmu tu chu LPS vision in a interview.


~
2009-2010 MIZORAM ANNUAL PLAN ATAN CHENG VBC 1,250 RUAHMAN A NI

        Kum 2009-2010 atana Mizoram Annual Plan chu cheng vaibelchhe  1,250 a ni dawn ta. Mizoram Annual Plan budget chungchangah hian Chief Minister Lal Thanhawla leh Planning Commission Dy. Chairman, Montek Singh Ahluwalia te chu Yom Sheni (Thawhtanni) khan inbe felin, sum zat tur pawh an tifel nghal a. Kumin Mizoram Plan budget hi kum 2008-2009 aiin 25% in tam a, kum 2004-2005 hnu lama Mizoram State Annual Plan Outlay tam ber tum a ni tih sorkar thuchhuah chuan a tarlang.


 ~Ei leh inah fimkhur turin chah

State Food Health Authority chuan ram pawn atanga eitur lakluh chungchangah hetiang hian hriattirna a chhuah a, ei leh in lam chi, a bikin China leh khawchhak lam siam reng reng lakah mipuite fimkhur turin a chah. Food Health Authority chuan, mipuite him nan sorkar laipuiin China siam ei tur, a bikin chocolate-te India ram chhunga lak luh leh zawrh a khap a, hemi chungchangah hian state tinte chu hma la tura ngen an nih angin, Mizoramah pawh hma lak a nih thu an tarlang a; China leh khawchhak lam siam reng reng lakah mipuite fimkhur turin an chah a ni. State Food Health Authority thuchhhuah chuan, chocolate leh bawnghnute telna lam chi reng reng, chocolate ber, sweet (candy), wafer, cereal drink (calsome etc.) , jelly, magic pops leh tunhnaia zawrh thar bawnghnute powder sarang tereuhtea infun, fiante chhawm TOMO an tih ang chite lakah fimkhur theuh turin mipuite a ngen a; sumdawngte  pawh zuar lo turin a hriattir bawk .


~Hman nghal tur City Bus rate thar hmang lo

State Transport Authority (STA) chuan July 30 khan Aizawl City Bus chuan man a siam thar a, he rate thar hi hman nghal turin city bus neitute chu hriattir ni mah se, city bus zawng zawngin an la hmang lo a, Aizawl City Bus Owners Association (ACBOA) chuan rate thar hi an zawm thei rih lo tih an sawi a . Aizawl City Bus Conductor leh Driver thenkhat te an Licence MVI in an man sak a vanga lungawi lo chuan Aug ni 5 chawhnu dar 1 atang khan passenger la lo in ngaizel ah an ding khawm a, Hei hian Zoram mipui nunphung a ti khaihlak hle.


 .
~Speaker hlui thi

Mizoram Assembly Deputy Speaker hlui, Vanlalngena (72), Electric Veng chu July 29, Yom Revii (Nilaini) zana an in bula a chetsual hnuah, Yom Shlishi (Thawhleh) 4/8 zing dar 6 khan a thi a, tlai lamah vui nghal a ni.


~HIV Positive te counseling dan tur training

Mizoram State AIDS Control Society chuan UNICEF  puihna in Aizawl Civil Hospital Auditorium-ah Community Care Centres (HIV+ damlote enkawlna) thawktu te tan leh ART Centres leh Positive Drop-in-Centre a thawktu mi 18 te tan HIV Positive te counseling dan tur training an buatsaih a ni. Tun ah hian naupang HIV Positive ART Centre a in register mi 104 zet an tling toh a, ART Center a damdawi ei mek mi 44 an awm bawk. Heng zing a 6 te hi an boral tawh bawk.


~Israel thiamna Mizoramin ahmang
Israel thiamna hmanga siam kum khat chhunga Rah thei Serthlum thar hlawk chi chu Sakeilui Project hnuaia Zo mandarin Growers Association te hnen ah Vawiin August ni 4 chawhnu dar  khat khan Perliamentary secretary Horticulture Pu.KS Thangan a hlan.


Made in Mizoram  Tuibur al fir

Vut hmangin Chingal an thlawr a, Chingal chu bawm-ah dah lehin, a lu lamah vaihlo dah/bengna chherchhuan leh a ni a. A bur leh a lu inzawmna laiah thir kua-in a inzawm leh a. Burah hian pipe te takte vuah leh chhawn a ni. Pipe lian deuh hlekah tui khawhtirin, he pipe leh bur-a pipe te deuh chu a inzawm a, pipe lian zawka tui khawh tha chakna, hipna chuan aburpui chhung, a lu-a vaihlo beng khah chu a fawp ral a, tichuan a bur pui-a ching-al chu tuibur-ah a lo chang ta thin a ni. A lu-a vaihlo beng atan hian Burma atanga lokal, vaihlo kuang hman a ni tlangpui a, bag khat Rs.450-500/-velin Aizawlah lei a ni. Tuibur hi New Market-ah a zawrhna hmunpui ber chu awmin thingtlang lamah engemaw zat thawnchhuah a ni thin bawk.

 


 july ni 16.2009

CALL CENTER KHAR LAILAWK A NI

ThuampuiVeng a, Mizoram Call Center hmasa ber ni a sawi chuan harsatna a tawh belh zela vang in,Ni 15 July a ngaihdamna hun an hawnah hnathawktute intiamkamna turlehkha a ruaituten an siam (Hitkhayavut) chu an hming an Sign hnan duh tak lohavangin Call Center chu khar lailawk hrih a ni. He "Intiamkamna"lekha  siamah hian Hna thawktute tanahamthatna tur reng reng dan a awm lo va, Boss lian zawkte thu awina lam hawizawng leh Hnathawk ho  thununna lam hlira inziak a ni. "Hming kan ziah hnan thei ta lo a ni," tiin Aizawl CallCenter hnathawktu te chuan a sawi. Call Center hawn chungchang ah hian a bultum tu ber chu ZIDCO managing director Zohmangaiha a ni a, a thara bul tan lehmai pawh a that zawk a rin thu a sawi a, tuna an 'train' tharte pawh tun boruakhian an rilru a tihnual a chanve vel chauh an kal mumal niin a sawi. 


July ni 15.2009

Sial leh bawng thi hnem:

Baktawng bul, Hmawngkawna Sial leh Bawng vulhna hmun, grazing ground-a Sial leh Bawng-in ke leh ka natna an neih vangin nimin thleng khan Sial 30 ruang chhar a ni tawh a, ramhnuaiah a dang pawh enfiah mek a ni.


Vawk 501 chuang Mizoram ah thi


Sunday awmzia hrechiang tan chuan a lungngaih thlak ang reng khawpmai, Mizoram State pathum ngawt ah hei chhiat tawhna vanduai thlak tak mai a lo thleng ta si a, Vawk 501 ngawt in hri chikhat vei in an thih phah a ni. 

Ni (28.June.2009) atanga Mizoram News lawrkhawm 

MNF in an Pawl (party) chhuah san ho an kap zui

 Tun kar khan MNF Distric Hqr's Saiha chuan thuchhuah siamin MNF Party chhuahsan a Congress Party zawm ta te chu nasa takin an kap zui a, MNF Sorkar laia Tam tlan , MNF Suak ho pawh Rulling Sorkar loh a awm thiam lo ho chu pawl an sawn zing lutuk vanga pawl 7 kai tawh ho chu Congress Bhavan ah an lawi lut leh tan ta a, MNF Sorkar laia Hotute tlawn thiam engkim hlawk pui hna vawi hnih vawi thum hmu a, khawp lo ho MNF zar an zo mek lai pawh ei zo lo ten Congress zar zo an tum leh dawn a, MNF tana Hnara hlit phawi ang, Congress tana Tlumpi an ni mai lo maw? tiin, thenkhat erawh Tam tlan tura hotute phalna late pawh an awm ve nawk e, tiin an thuchhuah ah chuan na takin an kap zui a, Point dang 5 an telh bawk.  

Exam Hall tur dil a ni

 Mizoram Hindi Student's Union chuan Thuchhuah siamin Hindi Exam na atan hmun nghet an neih loh a vanga Kumtin Exam Hall tur buaipui angaih thin chu pawi an tih thu an tarlang a, Zirlai harsatna sutkian a nih theih nan arang thei ang bera Exam Hall nghet pe turin Sorkar a phut. 

Silai (Pistol) man a ni

Yom Sheni(thawhtan ) zan dar 12:30 vel khan SP CID Crime hnuaia Special narcotic staff ten Chaltlang Dawr kawn ah H.Zoremthanga (32) So- Ngurchhuani, Dawrpui vengthar inti leh , Laltlanchhuaha (32) S0-Doenga (L)  Aizawl Venglai te hnen atangin 32 Pistol Italy siam leh Amu 1 an man a, Pistol leh Amu hi Taxi MZ/017330 atangin  man ani, Pistol neitu Tommiz Uddin Lasker (29) Cachar Dis't Blue Hill's Head Mechanic chu tlan bo a tum lai chu Vairengte Police ten an lo man hman a ni. 

Tuikhuah siamna tur sum sem a ni

RCC water Harvesting tuikhuah siam nan cheng Rs.25,000 leh Contour trenching (leitha khur) siam na atan , Rs.10,000 Lo neitute hnea sem Durtlang N huam chhunga dawn tur chhungkaw 55 thlan an ni a, Durtlang N VCP chuan an veng chhunga tanpui tur tam tak an awm laia veng dang mi a neinung zawkin duhsakna an hlawh chu mak a tih thu a sawi a, Durtlang N ram chhung ah hian MP Ruala chuan huan a nei ngei a, Tuikhuah siam na cheng 24,000 Rs dawn tur zingah a hming a tel ve a, Pawisa pawh an Unit hruaitu ten an lo lak sak niin an sawi bawk, Durtlang N Congress Unit hian Tuikhuah tanpuina dawntu  tute hnen atangin cheng 100 zel an laksak tih VCP chuan a sawi bawk.

          Chanchinbu mite chuan Pu CL Ruala huan hi nimin khan an tlawh a, a huan enkawltu chuan Tuikhuah siam tura hmalakna an neih loh thu a lo hrilh nghe nghe , MP Cl Ruala tuna Kolkataa awm mek chuan hethu hi a lo hriat tawh thu te Tuikhuah leh leitha khur siamna atan tanpuina a dil loh thu te , hmu tur zinga a hming a lo tel a nih pawhin alak loh tur thu te leh tanpui mamawh zawk Lo neitute hnena lo pe tura a hriattir tawh thu te Vanglaini a hrilh a ni.

Mizoram Kawngpui

Tun lai hian Mizoram Kawngpui National Highway hrang hrang tihlen hna Specialy  Accelerated road developement program North east phase (A) hnuaiah chak taka thawh mek a ni. 

Thlawhna Service dan thar

Mizoram Sorkar Civil Activation Dep't leh Northeast Shuttle (P)td  te chuan Yom Shlishi (Thawhleh ni) khan inremna thar siamin, Lengpui leh Silchar leh Lengpui leh Imphal inkar nitin Thlawhna thlawh dan tur a ruahman fel , July 1, 2009 atanga Service tan turin kum khat chhung atan inremna hi siam a ni.  

Sorkar hnathawkte hlawh

Mizoram Sorkar hnathawk zawng zawng hlawh Fitment Committee-in a buaipui chu peihfel a ni ta a, May 30 khan an thutlukna chu Sorkarah an thehlut tawh a ni. Central 6th commission hlawh zulzuia Sorkar hnathawk te hian hlawh an lak chuan Mizoram Sorkarin thlatin cheng Vaibelchhe 68 vel a chawibelh a ngai dawn a ni. 

Motor chiahpuam sa Lilam dawn

Chiahpuam pawisa atanga lei Lirthei lei Police in an man khawm te chu, Lilam thuai tura hmalak mek a ni a, Chiahpuam kaihhnawiha Lirthei mante chu an Book Value leh Market Value chhutchhuak turin Distric transport office an ngen a, ODT lamin an thil tih tur peihfelin thawhtan ni (Yom Sheni) khan an chhut zawh hman an rin thu an saw. Chiahpuam Lirtheite hi a hlutna chhut fel anih hnuah Courtin an Lilam dawn a, SP chuan arang lama July thla chhunga chinfel hman an tum thu a sawi, chiahpuam avang hian Policete hian Lirthei 41 an man a, Aizawl police stationin Bus 3 , LMV 21 leh Two Wheelers 14 aviin 38 an man bawk ani.

Trafic Police thu chhuah

Aizawl trafic SP chuan thuchhuah siamin, Two Wheeler neitu zawng zawng te chu, Side Glass vuah vek turin a hriattir a, he thupek hi July ni 6 atanga hman tan tura tiha ni a, Side Glass vuah lo te chungah Action nataka lak tur a nih thu Traffic SP chuan a tar langa ani.


News Ni (28/june/2009) hma lam News

Silaimu man

 June ni 16, 2009 tlai khan Lunglei bul Mat luiah Silaimu la kah loh leh kahruah tawhna engemaw zat chhar a ni. Heng silaimu te hi tute dah nge tih hriat a la ni lo a, Lunglei police te'n an chhui mek. Zobawk-ah tui tla an awm a, Mat lui lamah hian zawng thla zelin Mat lei thlang awm chen vel tui dai ngaiah tuitla ruang zawngtute hian silaimu hi an hmu a, police te an hriattir hnuah silaimu te hi an lachhuak ta a ni.

Swin flu (Vawk hri) India ramah New Delhi-ah nimin khan swine flu vei mi 4 hriatchhuah leh a ni a, India ram pumah he hri leng vei hriatchhuah tawh hi mi 35 an tling ta a ni.

Mizoram University-ah Mizo leng lo Aizawl, June 22 ; 11th Plan hnuaia Mizoram University in hna chi hrang hrang 118 zet a lak thar turah chuan Mizo te, luh tlem theihna tur leh hnam dang tam zawk an luh theihna tur ni awm takin Advertisement chhuah a ni a, University-a senior teacher te phei chuan tunhma a Mizo hmakhaw ngai rana kalna ang kha a awm meuh lo niin an sawi. Tun hnai khan Mizoram University chuan zirtirtu Professor, Associate Professor leh Asst. Professor lakna turah Advertisement a ti chhuak a. Amaherawhchu, Mizo thalai lehkhathiamte han dil ve theihna tur kawng chu nasa taka khar a ni.

Motor accident            

June ni 21 Sunday chawhnu Dar 2:30 vel khan Edenthar leh Bawngkawn inkar ah Bus leh Bike an insu a Bike khalhtu Rorelliana  chu damdawiin pan pui a nih hnu ah a boral ani.

Zu damdawi em ni

Police te'n he thil hi an an chhui a, mahse, Guwahati lam pun an ngaih vangin an chhui zo thei rih lo. Pa pakhat hian Doctor damdawi  chawhna lehkha siam sa a nei a, chu lehkhaah chuan damlo chu Doctor-in zu a chawh tiin a inziak a. Aizawl Civil Hospital medical superintendent hming ziak (a lem) hnanin, pakhat Rs. 1000 te'n a hralh leh thin a ni. Chu chu thil awm dan vel a ni.

SEAL RU MAN

Tun hnaia Home Minister Seal ru chhuak a, hming sign lem hmanga Disaster Management & Rehabilitation department-a Silpauline 24 lak chhuah tumtu Zodingliana, Lawngtlai chu police-te'n an man a ni.

OFFICE-AH GAMES

Chief Secretary hlui, Pu Haukhuma Hauzel hun laia Mizoram sorkarin office computer-a games khelh a khap leh computer zawng zawng atanga games paih vek tura tihna thupek chuan tun thlengin zawm a la hlawh lo hle a, office hrang hrangah computer games khel hmuh tur a la tam hle.

 
פארק אתרים מפת האתר דווח על הפרה ממשק ניהול